ओमानले २५० बढी आप्रवासीलाई नागरिकता दिने

काठमाडौं । ओमानका राजा (सुल्तान) हैथम बिन तारिकले २ सय ५० भन्दा बढी आप्रवासीलाई ओमानी नागरिकता दिने शाही आदेश जारी गरेका छन् । सुल्तान हैथमले २ सय ५७ जनालाई नागरिकता दिने शाही आदेश नम्बर २६–२०२४ जारी गरेका हुन् ।

ओमानका नयाँ नागरिकहरू केही प्रतिबन्धको अधीनमा छन्, जसमा उनीहरूले आन्तरिक मन्त्रालयबाट विशेष अनुमतिप्राप्त नगरेसम्म नागरिकता प्राप्त गरेपछि प्रारम्भिक १० वर्ष देशबाहिर विस्तारित अवधि बिताउने सीमा समावेश गरिएका छन् । ओमानी नागरिकता लिने आवेदकहरूले आन्तरिक मन्त्रालयमा आवेदन दिन सकिने जनाएको छ । ओमानी नागरिकता लिने प्रवासीहरूले ६ सय ओमानी रियल शुल्कसहित आवेदन पेस गर्नुपर्नेछ ।

आवेदकहरू ओमानमा बस्ने र काम गरिरहेको हुनुपर्छ र कुनै कानुनी विवादमा संलग्न नभएको हुनुपर्नेछ । उनीहरूको स्वास्थ्य राम्रो र सरुवा रोगहरूको अनुपस्थिति पुष्टि गर्ने चिकित्सा प्रमाणपत्र प्रदान पेस गर्नुपर्नेछ ।

ओमानी नागरिकताका लागि आवेदन प्रक्रियामा कार्यकारी नियम ९२–२०१९ मा उल्लिखित कागजातहरूको सेट प्रस्तुत गर्नुपर्ने मन्त्रालयलाई उद्धृत गर्दै गल्फ न्युजले जनाएको छ ।

ओमानी नागरिकताका लागि आवेदन दिँदा भिसासहितको वैध राहदानी, व्यक्तिगत परिचयपत्र, वैध रेसिडेन्सी कार्ड, विवाहको प्रमाणपत्र (यदि लागू भएमा), पति–पत्नीको राहदानी र बालबालिकाका कागजातहरूको प्रतिलिपि एवं ओमानबाट असल आचरणको प्रमाणपत्र पेस गर्नुपर्नेछ ।

अन्य आवश्यक कागजातहरूमा रोजगारदाताबाट आयको कागजात, मूल राहदानी जफत गर्न दूतावासको अनुमतिको प्रमाण, हालको राहदानी जफत गर्ने मनसायको लिखित घोषणा र सबै नाबालिग बालबालिकाको नाम र तिनीहरूका कागजातहरू सूचीबद्ध गरिएको घोषणा समावेश छ ।

एकपटक नागरिकता प्रदान गरिसकेपछि व्यक्तिहरूलाई ओमानी राहदानी प्राप्त गर्न मन्त्रालयमा फर्किनुपर्छ र ओमानमा दीर्घकालीन निवास कायम गर्नुपर्छ । तर, ओमानी नागरिकता पाउने २ सय ५७ विदेशी नागरिक कुन मुलुकका हुन् भन्ने’bout केही खुलाइएको छैन । यो खबर आजको राजधानि दैनिकले छापेको छ ।