सेतो खबर
काठमाडौं । मेडिकल व्यवसायी दुर्गा प्रसाईंलाई प्रहरीले फेरि पक्राउ गरेको छ। नेपाल प्रहरीको साइबर ब्युरोले सोमबार बिहान प्रसाईंलाई पक्राउ गरेको हो।
राष्ट्रिय स्वतन्त्र पार्टी (रास्वपा)की सांसद रचना खतिवडाले दिएको उजुरीका आधारमा अनुसन्धानका लागि प्रसाईंलाई पक्राउ गरिएको साइबर ब्युरोले जनाएको छ।
प्रसाईंले केही दिनअघि सामाजिक सञ्जालमार्फत जेनजी आन्दोलनमा ज्यान गुमाएका रसिक खतिवडाबारे अपमानजनक टिप्पणी गरेको आरोप लागेको छ। रसिक, सांसद खतिवडाका छोरा हुन्।
प्रसाईंले सामाजिक सञ्जालमा रसिकको मृत्युलाई लिएर सांसद खतिवडामाथि आपत्तिजनक टिप्पणी गरेको आरोपपछि खतिवडा प्रतिनिधिसभाको बैठकमै भावुक भएकी थिइन्।
आफू र छोराबारे प्रसाईंलगायतले अपमानजनक टिप्पणी गरेको भन्दै खतिवडाले साइबर ब्युरोमा उजुरी दिएकी थिइन्।
उक्त उजुरीका आधारमा प्रसाईंलाई नियन्त्रणमा लिएर घटनाबारे अनुसन्धान अघि बढाइएको साइबर ब्युरोले जनाएको छ।
प्रसाईं यसअघि पनि सामाजिक सञ्जालमार्फत विभिन्न व्यक्ति तथा घटनाबारे आपत्तिजनक अभिव्यक्ति दिएको आरोपमा प्रहरी अनुसन्धान र कारबाहीको दायरामा पर्दै आएका छन्।
काठमाडौं । स्पेनले अर्जेन्टिनालाई १–० ले पराजित गर्दै सन् २०२६ को फिफा विश्वकपको उपाधि जितेपछि विश्व फुटबलमा युवा स्टार लामिन यामाल सबैभन्दा बढी चर्चामा रहे। फाइनलमा... विस्तृतमा
