सेतो खबर
काठमाडौं। नेपाली बजारमा सोमबार सुनचाँदीको मूल्यमा उल्लेख्य गिरावट आएको छ। नेपाल सुनचाँदी व्यवसायी महासंघका अनुसार साताको दोस्रो कारोबार दिन छापावाल सुनको मूल्य प्रतितोला ५ हजार रुपैयाँले घटेको हो।
मूल्य घटेसँगै सोमबार छापावाल सुन प्रतितोला २ लाख ९५ हजार ३०० रुपैयाँमा कारोबार भइरहेको छ। अघिल्लो दिन आइतबार छापावाल सुनको मूल्य प्रतितोला २ लाख ९९ हजार ३०० रुपैयाँ थियो।
आइतबारको तुलनामा सोमबार सुनको मूल्यमा ५ हजार रुपैयाँको गिरावट आएको हो। आइतबार भने सुनको मूल्य प्रतितोला ७०० रुपैयाँले बढेको थियो।
सुनसँगै चाँदीको मूल्यमा पनि गिरावट आएको छ। महासंघका अनुसार सोमबार चाँदी प्रतितोला १४५ रुपैयाँले घटेर ४ हजार ५१० रुपैयाँमा कायम भएको छ।
यसअघि आइतबार चाँदीको मूल्य प्रतितोला ३५ रुपैयाँले बढेर ४ हजार ६५५ रुपैयाँ पुगेको थियो।
सोमबारको गिरावटसँगै पछिल्लो कारोबारमा सुन र चाँदी दुवैको मूल्य घटेको महासंघले जनाएको छ।
काठमाडौं । स्पेनले अर्जेन्टिनालाई १–० ले पराजित गर्दै सन् २०२६ को फिफा विश्वकपको उपाधि जितेपछि विश्व फुटबलमा युवा स्टार लामिन यामाल सबैभन्दा बढी चर्चामा रहे। फाइनलमा... विस्तृतमा
