सेतो खबर
काठमाडौं — नुवाकोटको किस्पाङ गाउँपालिका अध्यक्ष वीरबल तामाङलाई प्रहरीले पक्राउ गरेको छ। बैंकिङ कसुर तथा ठगीसम्बन्धी विभिन्न मुद्दामा फरार रहेका तामाङलाई प्रहरीले भदौ २९ गते काठमाडौंको हनुमानथानबाट पक्राउ गरेको हो।
तामाङविरुद्ध काठमाडौं उपत्यकाका विभिन्न प्रहरी कार्यालयमा ९ वटा मुद्दा दर्ता रहेका छन्। ती मुद्दामा गरी ९ करोड ५६ लाख रुपैयाँभन्दा बढी बिगो दाबी गरिएको प्रहरीले जनाएको छ।
जिल्ला प्रहरी परिसर काठमाडौंमा मात्रै ३ करोड ४ लाख, १ करोड ५३ लाख, ४८ लाख र ९५ लाख बिगो भएका चार बैंकिङ कसुरका मुद्दा छन्। त्यस्तै २ करोड ५६ लाख बिगो दाबी गरिएको ठगी मुद्दासमेत रहेको प्रहरीले जनाएको छ।
यसैगरी जनसेवा वृत्तमा ७५ लाख, लैनचौरमा १९ लाख ८० हजार, दरबारमार्गमा ५ लाख २५ हजार र भक्तपुरमा २ लाख बिगो दाबी गरिएका मुद्दा दर्ता छन्।
तामाङविरुद्ध महाराजगञ्ज प्रहरी वृत्तमा समेत मुद्दा रहेको र त्यसको बिगो रकमबारे थप अनुसन्धान भइरहेको प्रहरीले जनाएको छ।
काठमाडौं । स्पेनले अर्जेन्टिनालाई १–० ले पराजित गर्दै सन् २०२६ को फिफा विश्वकपको उपाधि जितेपछि विश्व फुटबलमा युवा स्टार लामिन यामाल सबैभन्दा बढी चर्चामा रहे। फाइनलमा... विस्तृतमा
