सेतो खबर
काठमाडौं । कामना सेवा विकास बैंक लिमिटेडले शेयरधनीलाई १५ प्रतिशत नगद लाभांश वितरण गर्ने प्रस्तावसहित २०औँ वार्षिक साधारणसभा बोलाएको छ।
बैंकको साधारणसभा आगामी भदौ ३१ गते काठमाडौंको बालुवाटार रोडस्थित आम्रपाली बैंक्वेटमा हुने भएको छ।
सभामा आर्थिक वर्ष २०८२/८३ को सञ्चित मुनाफाबाट बैंकका शेयरधनीलाई चुक्तापुँजीको १५ प्रतिशत नगद लाभांश वितरण गर्ने प्रस्ताव पेश गरिनेछ। उक्त लाभांशमा करसमेत समावेश हुनेछ।
त्यस्तै, अग्राधिकार शेयरधनीलाई अग्राधिकार शेयर बाँडफाँट भएको मितिदेखि २०८३ असार मसान्तसम्मको अवधिका लागि अनुपातिक रूपमा ९ प्रतिशत लाभांश वितरण गर्ने प्रस्ताव पनि सभामा पेश हुनेछ।
साधारणसभाले आर्थिक वर्ष २०८२/८३ को वार्षिक वित्तीय विवरण, वासलात, नाफा–नोक्सान हिसाब, नगद प्रवाह विवरण तथा नाफा–नोक्सान बाँडफाँट हिसाबलगायत वित्तीय विवरणसँग सम्बन्धित अनुसूचीहरू पारित गर्नेछ।
यसैगरी, बाह्य लेखापरीक्षक नियुक्त गर्ने लगायतका अन्य प्रस्तावमाथि पनि सभामा छलफल तथा निर्णय हुनेछ।
बैंकले साधारणसभा तथा लाभांश प्रयोजनका लागि भदौ १८ गते बुक क्लोज गर्ने भएको छ। त्यसैले भदौ १७ गतेसम्म कायम शेयरधनीले मात्र प्रस्तावित लाभांश पाउनुका साथै साधारणसभामा सहभागी हुन पाउनेछन्।
बैंकले गत वर्ष बोनस शेयर तथा नगद लाभांश गरी कुल १५.७८९५ प्रतिशत लाभांश वितरण गरेको थियो।
काठमाडौं । स्पेनले अर्जेन्टिनालाई १–० ले पराजित गर्दै सन् २०२६ को फिफा विश्वकपको उपाधि जितेपछि विश्व फुटबलमा युवा स्टार लामिन यामाल सबैभन्दा बढी चर्चामा रहे। फाइनलमा... विस्तृतमा
