सेतो खबर
काठमाडौं । सरकारले लगानी बोर्ड नेपालको प्रमुख कार्यकारी अधिकृत (सीईओ) मा यांकी उक्याबलाई नियुक्त गरेको छ। मंगलबार बसेको मन्त्रिपरिषद् बैठकले उक्याबलाई बोर्डको नयाँ सीईओ नियुक्त गर्ने निर्णय गरेको हो।
सरकारका प्रवक्ता तथा शिक्षा, विज्ञान तथा खेलकुदमन्त्री सस्मित पोखरेलले मन्त्रिपरिषद्को निर्णय सार्वजनिक गर्दै उक्याबको नियुक्ति भएको जानकारी दिएका हुन्।
लगानी बोर्डको सीईओ छनोटका लागि गठन गरिएको सिफारिस समितिले तीन जनाको नाम मन्त्रिपरिषद्मा सिफारिस गरेको थियो। अर्थमन्त्रीको संयोजकत्वमा रहेको समितिले यांकी उक्याब, मनोज पौडेल र जितेन्द्र धितालको नाम अन्तिम सूचीमा समावेश गरी सरकारसमक्ष सिफारिस गरेको थियो।
तीन जनामध्येबाट मन्त्रिपरिषद्ले यांकी उक्याबलाई बोर्डको प्रमुख कार्यकारी अधिकृतमा नियुक्त गर्ने निर्णय गरेको हो।
लगानी बोर्ड नेपाल मुलुकमा स्वदेशी तथा विदेशी ठूला लगानी भित्र्याउने, रणनीतिक तथा पूर्वाधार आयोजनाको सहजीकरण गर्ने तथा लगानीमैत्री वातावरण निर्माण गर्ने प्रमुख निकाय हो। बोर्डको नेतृत्व सम्हाल्ने नयाँ सीईओ उक्याबले ठूला लगानी परियोजनाको कार्यान्वयनलाई गति दिने, विदेशी लगानी आकर्षित गर्ने तथा निजी क्षेत्रसँगको समन्वयलाई प्रभावकारी बनाउने अपेक्षा गरिएको छ।
सरकारले पछिल्लो समय लगानी प्रवर्द्धन, पूर्वाधार विकास र आर्थिक गतिविधिलाई तीव्रता दिने उद्देश्यसहित विभिन्न निकायमा नेतृत्व चयनलाई प्राथमिकता दिँदै आएको छ। यांकी उक्याबको नियुक्तिलाई पनि सोही रणनीतिक पहलको निरन्तरताका रूपमा हेरिएको छ।
काठमाडौं । स्पेनले अर्जेन्टिनालाई १–० ले पराजित गर्दै सन् २०२६ को फिफा विश्वकपको उपाधि जितेपछि विश्व फुटबलमा युवा स्टार लामिन यामाल सबैभन्दा बढी चर्चामा रहे। फाइनलमा... विस्तृतमा
