सेतो खबर
काठमाडौं । कुमारी बैंक लिमिटेडले आफ्नो परिवार सुरक्षा बचत खाता (PSBK) अन्तर्गतको बीमा सुविधाबापत लाभग्राहीलाई १० लाख रुपैयाँ बीमा दाबी रकम हस्तान्तरण गरेको छ।
बैंकको गौमुल शाखामार्फत श्रीमती बना देवी बोहरालाई उक्त रकम हस्तान्तरण गरिएको हो। उनका श्रीमान्को दुर्घटनामा दुःखद निधन भएपछि परिवार सुरक्षा बचत खाताअन्तर्गत उपलब्ध बीमा सुविधाअनुसार आवश्यक प्रक्रिया पूरा गरी १० लाख रुपैयाँ बराबरको बीमा दाबी रकम प्रदान गरिएको बैंकले जनाएको छ।
बैंकका अनुसार कठिन परिस्थितिमा पीडित परिवारलाई आर्थिक सहारा उपलब्ध गराउने उद्देश्यले उक्त बीमा रकम हस्तान्तरण गरिएको हो। यसले शोकमा रहेका परिवारलाई तत्काल आर्थिक राहत पुग्नुका साथै भविष्यको आर्थिक व्यवस्थापनमा समेत सहयोग पुग्ने विश्वास बैंकले व्यक्त गरेको छ।
कुमारी बैंकले ग्राहकहरूको वित्तीय सुरक्षा तथा परिवारको आर्थिक संरक्षणलाई प्राथमिकतामा राख्दै विभिन्न बचत योजनासँग आकर्षक बीमा सुविधाहरू उपलब्ध गराउँदै आएको जनाएको छ। परिवार सुरक्षा बचत खाताअन्तर्गत प्रदान गरिने बीमा सुविधाले अप्रत्याशित दुर्घटना वा अन्य जोखिमपूर्ण परिस्थितिमा प्रभावित परिवारलाई आर्थिक राहत उपलब्ध गराएर सामाजिक सुरक्षा प्रवर्द्धनमा समेत योगदान पुर्याउने बैंकको विश्वास छ।
विशेषगरी ग्रामीण तथा दुर्गम क्षेत्रका नागरिकसम्म बैंकिङ सेवा र बीमा सुरक्षाको पहुँच विस्तार गर्ने उद्देश्यले सञ्चालन गरिएका यस्ता योजनाले आर्थिक समावेशीकरणलाई थप सुदृढ बनाउँदै आवश्यक समयमा ग्राहक तथा उनका परिवारलाई वित्तीय सहयोग पुर्याइरहेको बैंकले जनाएको छ।
विगत २५ वर्षदेखि निरन्तर बैंकिङ सेवा प्रदान गर्दै आएको कुमारी बैंकले हाल देशभर २८५ शाखा, ४१ विस्तार काउन्टर, ३०२ एटीएम तथा ४० शाखारहित बैंकिङ सेवा केन्द्र मार्फत लाखौं ग्राहकलाई सेवा प्रदान गर्दै आएको छ। बैंकले शहरी, अर्धशहरी तथा ग्रामीण क्षेत्रसम्म सहज, सुरक्षित र गुणस्तरीय बैंकिङ सेवा विस्तार गर्दै ग्राहकको वित्तीय सुरक्षालाई सुदृढ बनाउन विभिन्न निक्षेप, बीमा तथा आधुनिक बैंकिङ सेवाहरू सञ्चालन गरिरहेको जनाएको छ।
काठमाडौं । स्पेनले अर्जेन्टिनालाई १–० ले पराजित गर्दै सन् २०२६ को फिफा विश्वकपको उपाधि जितेपछि विश्व फुटबलमा युवा स्टार लामिन यामाल सबैभन्दा बढी चर्चामा रहे। फाइनलमा... विस्तृतमा
