सेतो खबर
धनगढी – सुदूरपश्चिम प्रदेशका मुख्यमन्त्री कमलबहादुर शाह हेल्मेट नलगाई बुलेट मोटरसाइकल चलाएको भिडियो सार्वजनिक भएपछि ट्राफिक कारबाहीमा परेका छन्।
जिल्ला ट्राफिक प्रहरी कार्यालय कैलालीले ट्राफिक नियम उल्लंघन गरेको ठहर गर्दै मुख्यमन्त्री शाहलाई ५ सय रुपैयाँ जरिवानासहित चिट काटेको जनाएको छ।
घटनापछि मुख्यमन्त्रीका प्रमुख स्वकीय सचिव प्रयागराज खनालले ‘माननीय मुख्यमन्त्रीज्यू’ शीर्षकमा टिकटक भिडियो सार्वजनिक गरेका थिए। उक्त भिडियोमा मुख्यमन्त्री शाह सरकारी निवास परिसरभित्र हेल्मेटबिना बुलेट मोटरसाइकल चलाइरहेको देखिन्छ।
भिडियो सामाजिक सञ्जालमा भाइरल भएपछि मुख्यमन्त्रीको ट्राफिक नियम पालना नगरेको भन्दै आलोचना भएको थियो।
यता, प्रमुख स्वकीय सचिव खनालका अनुसार घटना मंगलबार रातिको हो। मुख्यमन्त्री कार्यालयबाट सरकारी निवास पुगेपछि एक व्यक्तिले बुलेट मोटरसाइकल ल्याएका थिए। निवास परिसरभित्र मोटरसाइकल चलाउन मिल्छ वा मिल्दैन भन्ने उद्देश्यले मुख्यमन्त्रीले केही समय मोटरसाइकल परीक्षणका रूपमा चलाएको उनले बताएका छन्।
यद्यपि, भिडियो सार्वजनिक भएसँगै ट्राफिक प्रहरीले नियम उल्लंघन भएको निष्कर्ष निकाल्दै कानुनअनुसार कारबाही गरेको हो।
काठमाडौं । स्पेनले अर्जेन्टिनालाई १–० ले पराजित गर्दै सन् २०२६ को फिफा विश्वकपको उपाधि जितेपछि विश्व फुटबलमा युवा स्टार लामिन यामाल सबैभन्दा बढी चर्चामा रहे। फाइनलमा... विस्तृतमा
