सेतो खबर
पोखरा । नेपालको बीमा उद्योगमै पहिलो पटक Citizen Life Insurance ले “Citizen Leader Discourse” नामक विशेष प्यानल छलफल कार्यक्रम आयोजना गरेको छ। फागुन ६ गते Hotel Pokhara Grande मा सम्पन्न उक्त कार्यक्रममा करिब ४० मिनेट अवधिको विशेष डिस्कोर्स सत्र सञ्चालन गरिएको थियो।
कार्यक्रमको सहजीकरण कम्पनीका तालिम विभाग प्रमुख कुबेर पाठकले गर्नुभएको थियो। कार्यक्रममा सिटिजन लिडर्सहरू ईश्वरी प्रसाद बराल, टुक बहादुर राना, सुरेश बाबु शर्मा, राजु श्रेष्ठ तथा लक्ष्मी लामिछाने प्यानलिस्टका रूपमा सहभागी हुनुभएको थियो।
छलफल Success, Career Development, Recruitment तथा Policy Persistence जस्ता विषयमा केन्द्रित रहेको थियो।
प्यानलिस्ट टुक बहादुर रानाले पछिल्लो समय बढ्दै गएको व्यतित बीमालेख (Lapse Policy) लाई एजेन्सी व्यवसायको साझा चुनौतीका रूपमा प्रस्तुत गर्दै केवल बिक्रीमा मात्र ध्यान नदिई Policy Persistence मा जोड दिनुपर्ने बताउनुभयो। उहाँले Post-training follow-up system, client servicing calendar र renewal reminder mechanism जस्ता व्यावहारिक उपायहरू अपनाउन सुझाव दिनुभयो।
ईश्वरी प्रसाद बरालले २१ वर्षको अनुभव साझा गर्दै बीमा पेशा विश्वास र सामाजिक जिम्मेवारीसँग जोडिएको क्षेत्र भएको उल्लेख गर्नुभयो। ग्रामीण क्षेत्रमा सम्बन्धमा आधारित विश्वास र बढ्दो वित्तीय सचेतनाले बीमा व्यवसाय विस्तारमा टेवा पुग्ने उहाँको धारणा थियो।
लक्ष्मी लामिछानेले बीमा व्यवसायमा महिलाको भूमिका महत्वपूर्ण रहेको बताउँदै महिलाको संवेदनशीलता र जिम्मेवारीबोधले परिवार केन्द्रित सुरक्षा सन्देश प्रभावकारी रूपमा प्रवाह गर्न सकिने बताउनुभयो।
सुरेश बाबु शर्माले नेपालमा अझै ठूलो जनसंख्या बीमाको दायराबाहिर रहेको उल्लेख गर्दै अभिकर्ता केवल Sales Person नभई Financial Educator र Risk Advisor को भूमिकामा प्रस्तुत हुनुपर्ने धारणा राख्नुभयो।
त्यसैगरी, राजु श्रेष्ठले बदलिँदो डिजिटल युगमा अभिकर्ता Professional Financial Consultant का रूपमा रूपान्तरण हुनुपर्ने आवश्यकता औंल्याउनुभयो।
कार्यक्रम अत्यन्त प्रभावकारी तथा प्रेरणादायी बनेको कम्पनीले जनाएको छ। एजेन्सी व्यवसायसँग सम्बन्धित चुनौती, सुधारका क्षेत्र तथा दीर्घकालीन रणनीतिबारे गहिरो संवाद भएको बताइएको छ।
कम्पनीले आगामी दिनमा पनि नेतृत्व विकास र संवादमुखी कार्यक्रमहरूलाई निरन्तरता दिने प्रतिबद्धता व्यक्त गरेको छ।
काठमाडौं । स्पेनले अर्जेन्टिनालाई १–० ले पराजित गर्दै सन् २०२६ को फिफा विश्वकपको उपाधि जितेपछि विश्व फुटबलमा युवा स्टार लामिन यामाल सबैभन्दा बढी चर्चामा रहे। फाइनलमा... विस्तृतमा
