सेतो खबर
काठमाडौं । नेशनल लाइफ इन्स्योरेन्स कम्पनी लिमिटेडले नेपाल सरकारद्वारा स्थापना गरिएको भौतिक पूर्वाधार पुनर्निर्माण कोषमा एक करोड रुपैयाँ आर्थिक सहयोग गरेको छ।
गत भदौ २३ र २४ गतेको जेन–जेड आन्दोलनका क्रममा देशभरका सार्वजनिक भौतिक संरचनामा पुगेको क्षतिको पुनर्निर्माण, आर्थिक पुनरुत्थान तथा राहत कार्यका लागि कम्पनीले उक्त सहयोग उपलब्ध गराएको हो।
सो रकम बराबरको चेक कम्पनीका प्रमुख कार्यकारी अधिकृत सुरेश प्रसाद खत्री र नायब महाप्रबन्धक प्रज्वल सायमीले मंगलबार अर्थमन्त्री रामेश्वर प्रसाद खनाललाई एक विशेष कार्यक्रममा हस्तान्तरण गरेका हुन्।
कार्यक्रममा प्रमुख कार्यकारी अधिकृत खत्रीले कम्पनीले विगतमा शिक्षा, स्वास्थ्य, दैवी प्रकोप व्यवस्थापन र वातावरण संरक्षण लगायत क्षेत्रमा सामाजिक उत्तरदायित्वअन्तर्गत निरन्तर सहयोग गर्दै आएको उल्लेख गर्दै भने, “आगामी दिनमा पनि नेशनल लाइफ इन्स्योरेन्सले यस्ता सामाजिक उत्तरदायित्वपूर्ण कार्यलाई निरन्तरता दिनेछ।”
कम्पनीले नियामक निकायबाट जारी निर्देशनअनुसार प्रत्येक आर्थिक वर्षको खुद नाफाको एक प्रतिशत रकम संस्थागत सामाजिक उत्तरदायित्व (CSR) कोषमा जम्मा गर्दै आएको जनाएको छ।
काठमाडौं । स्पेनले अर्जेन्टिनालाई १–० ले पराजित गर्दै सन् २०२६ को फिफा विश्वकपको उपाधि जितेपछि विश्व फुटबलमा युवा स्टार लामिन यामाल सबैभन्दा बढी चर्चामा रहे। फाइनलमा... विस्तृतमा
