सेतो खबर
बर्दिबास, महोत्तरी । एभरेष्ट बैंक लिमिटेडले आफ्नो शाखा विस्तारको क्रममा मिति २०८२ असार १९ गते मधेश प्रदेशको महोत्तरी जिल्ला, बर्दिबास नगरपालिका–१ मा आफ्नो १३३औं शाखा औपचारिक रूपमा सञ्चालनमा ल्याएको छ। नयाँ शाखा स्थापना भएपछि मधेश प्रदेशमा बैंकको शाखा संख्या १५ पुगेको छ।
उक्त शाखाको उद्घाटन कार्यक्रम बर्दिबास नगरपालिकाका मेयर प्रहलाद कुमार क्षेत्री र बैंकका प्रमुख कार्यकारी अधिकृत सुदेश खालिङले संयुक्त रूपमा गर्नुभएको थियो। कार्यक्रममा वडा अध्यक्ष भोला खड्का, बर्दिबास उद्योग वाणिज्य संघका अध्यक्ष विष्णु खड्का, बैंकका मधेश प्रदेश प्रमुख पुष्पराज उप्रेती, अन्य कर्मचारी तथा स्थानीयवासीको उल्लेखनीय उपस्थिति रहेको थियो।
बैंकले विश्वास लिएको छ कि बर्दिबासमा शाखा विस्तारसँगै स्थानीय बासिन्दाहरूले अत्याधुनिक, सरल र सहज बैंकिङ सेवा प्राप्त गर्न सक्नेछन्। साथै यस क्षेत्रको आर्थिक गतिविधिमा तीव्रता आउँदै समग्र आर्थिक विकासमा टेवा पुग्ने अपेक्षा गरिएको छ।
पञ्जाब नेशनल बैंक, भारतसँगको संयुक्त साझेदारीमा स्थापित एभरेष्ट बैंकले हालसम्म देशभर १३३ शाखा, ४ एक्सटेन्सन काउण्टर, ७ प्रादेशिक कार्यालय र १६८ एटीएममार्फत सेवा प्रदान गर्दै आइरहेको छ। बैंकसँग १४ लाखभन्दा बढी ग्राहक संख्या रहेको छ।
बैंकले मोबाइल बैंकिङ, इन्टरनेट बैंकिङ, कार्ड सेवा लगायत डिजिटल माध्यममार्फत अत्याधुनिक सेवा प्रदान गर्दै आएको छ। साथै, नेपाल सरकारको राजस्व संकलनका लागि ३२ वटा संकलन केन्द्रमार्फत सेवा दिँदै आएको बैंकले भारतको नयाँ दिल्ली लगायत विभिन्न मुलुकहरूमा समेत प्रतिनिधि कार्यालयमार्फत सेवा विस्तार गरेको छ।
काठमाडौं । भावी प्रधानन्यायाधीश नियुक्तिका लागि सिफारिस गर्ने उद्देश्यले आज संवैधानिक परिषद्को बैठक बस्दैछ। परिषद्का अध्यक्ष तथा प्रधानमन्त्री बालेन्द्र शाह... विस्तृतमा
