सेतो खबर
काठमाडौं । एभरेष्ट बैंक लिमिटेडले आफ्नो विद्युतीय सेवा विस्तार गर्ने क्रममा नयाँ डिजिटल सेवा ‘इबिएल भर्चुअल क्रेडिट कार्ड’ को सुरुवात गरेको छ। २०८२ साल जेठ २० गतेदेखि लागू गरिएको यो सेवा बैंकका ग्राहकहरूलाई मोबाइल बैंकिङ एप्लिकेसनमार्फत सहज रूपमा उपलब्ध हुने गरी प्रारम्भ गरिएको हो।
पूर्ण रूपमा डिजिटल स्वरूपमा प्रस्तुत गरिएको यो भर्चुअल क्रेडिट कार्ड ग्राहकहरूले मोबाइल एपमार्फत प्रत्यक्ष रूपमा प्रयोग गर्न सक्नेछन्। कार्ड प्रयोगकर्ताहरूले न्यूनतम रु ५० हजारदेखि अधिकतम रु ५ लाखसम्मको भर्चुअल क्रेडिट सीमा प्राप्त गर्न सक्ने व्यवस्था गरिएको छ।
बैंकका अनुसार, यो सेवा प्रयोग गरी ग्राहकहरूले फोनपे QR स्क्यान गरेर वस्तु तथा सेवाको भुक्तानी, अनलाइन ट्रान्जेक्सन, साथै कार्ड व्यवस्थापन जस्ता कार्यहरू सजिलै गर्न सक्नेछन्।
साथै, ग्राहकहरूले प्रयोग गरेको क्रेडिट सुविधा ४५ दिनसम्म निःशुल्क रूपमा उपयोग गर्न सक्नेछन्। भुक्तानीमा समेत लचिलोपन दिइएको यस सेवामा ग्राहकले कुल बक्यौताको न्यूनतम १० प्रतिशतदेखि शतप्रतिशतसम्म भुक्तानी गर्न सक्नेछन्।
एभरेष्ट बैंकले यो नयाँ सेवा बैंकिङ क्षेत्रको डिजिटल रूपान्तरणमा महत्वपूर्ण कदम हुने विश्वास व्यक्त गरेको छ।
काठमाडौं । भावी प्रधानन्यायाधीश नियुक्तिका लागि सिफारिस गर्ने उद्देश्यले आज संवैधानिक परिषद्को बैठक बस्दैछ। परिषद्का अध्यक्ष तथा प्रधानमन्त्री बालेन्द्र शाह... विस्तृतमा
