सेतो खबर
एजेन्सि । पाकिस्तान क्रिकेट बोर्ड (PCB) ले बंगलादेश विरुद्धको आगामी घरेलु टी–२० शृङ्खलाका लागि बाबर आजम, मोहम्मद रिजवान र शाहीन अफ्रिदीलाई टोलीमा समावेश गरेको छैन। मे २७ देखि सुरु हुने तीन खेलको शृङ्खलामा यी अनुभवी खेलाडीहरू बाहिरिएसँगै टोलीमा युवा र नयाँ खेलाडीहरूलाई अवसर दिइएको छ।
मे २१ मा घोषणा गरिएको १६ सदस्यीय टोलीको कप्तानी सलमान अली आगाले गर्नेछन् भने शादाब खान उपकप्तानको भूमिकामा रहनेछन्। यस शृङ्खला पाकिस्तानका नयाँ मुख्य प्रशिक्षक माइक हेसनको पहिलो अभियान हुनेछ।
पीसीबीले जारी गरेको विज्ञप्तिमा टोली छनोटको आधार PSL १० मा देखिएको प्रदर्शनलाई मानेको उल्लेख छ। बाबर आजमले १० खेलमा २८८ रन बनाउँदा शाहीन अफ्रिदीले ११ विकेट लिएका थिए। रिजवानले तुलनात्मक रूपमा राम्रो प्रदर्शन गर्दै १० खेलमा ३६७ रन बनाएका थिए।
तीनै खेलाडी यसअघि अप्रिलमा सम्पन्न न्युजिल्याण्ड विरुद्धको शृङ्खलाबाट पनि बाहिर परेका थिए। लगातार दोस्रो शृङ्खलामा बाहिर रहनुले पीसीबी अब उनीहरूलाई टी–२० ढाँचाका लागि दीर्घकालीन योजना अन्तर्गत उपयुक्त नठान्ने संकेत देखिन्छ।
टीममा सलमान अली आगा (कप्तान), शादाब खान (उपकप्तान), अबरार अहमद, फहीम अशरफ, फखर जमान, हरिस रउफ, हसन अली, हसन नवाज, हुसैन तलत, खुशदिल शाह, मोहम्मद हैरिस, मोहम्मद वसीम जुनियर, मोहम्मद इरफान खान, नसीम शाह, साहिबजादा फरहान र साइम अयुब रहेका छन्।
काठमाडौँ । राष्ट्रिय गौरवको आयोजना मानिएको भैरहवास्थित गौतम बुद्ध अन्तर्राष्ट्रिय विमानस्थलमा भएको अनियमितता र भ्रष्टाचारबारे छानबिन गर्न प्रतिनिधिसभाको... विस्तृतमा
