आज पनि दोहोरो अंङ्कले घट्यो नेप्से

काठमाडौँ । शेयर बजार आज लगातार चौथो कारोबारको दिन पनि दोहोरो अङ्कले घटेको छ । शेयर बजार परिसूचक नेप्से आज १३ दशमलव ९६ अङ्कले घटेर २ हजार ६२० दशमलव २७ विन्दुमा झरेको छ ।

नेप्सेसँगै कारोबार रकम पनि घटेको यसदिन ३१५ वटा कम्पनीका १ करोड ८४ लाख कित्ता शेयर ८ अर्ब ७३ करोड रुपैयाँमा किनबेच भएको छ । सबैभन्दा धेरै राधी विद्युत कम्पनी लिमिटेडको ५९ करोड ३२ लाखको शेयर किनबेच भयो ।

आज विकास बैंक र अन्य बाहेक सबै समूहको शेयर घटेकोमा जलविद्युत् समूहको शेयर झन्डै २ प्रतिशत, होटल समूहको शेयर डेढ प्रतिशतले ओरालो लागेको छ ।

यसदिन गुराँस लघुवित्त कम्पनीको शेयर १० प्रतिशतले घटेको छ । समग्रमा बजार ओरालो लागेको दिन ओम मेगाश्री फर्मास्युटिकल्स कम्पनीको शेयर भने १० प्रतिशतले बढेको छ ।