सेतो खबर
जनकपुर । मधेश प्रदेशका मुख्यमन्त्री सतिश कुमार सिंहले मधेश स्वास्थ्य विज्ञान प्रतिष्ठानको एकेडेमिक भवनको शिलान्यास गरेका छन् ।
सोमबार मुख्यमन्त्री सिंहले जनकपुरधाम १४ स्थित मणि मण्डपको पछाडि रहेको गुठीको जग्गामा निर्माण हुन लागेको प्रतिष्ठानको एकेडेमिक भवनको शिलान्यास गरेका हुन् ।
शिलान्यास कार्यक्रम पश्चात सञ्चारकर्मीहरुसंग कुरा गर्दै मुख्यमन्त्री सिंहले भवन निर्माण कार्य सम्पन्न भएपछि शैक्षिक क्रियाकलाप गर्न प्रतिष्ठानलाई सहज हुने बताए ।
उनले निर्माण हुन लागेको उक्त भवनका लागि अढाई करोडको टेण्डर निकालिएको र समयमै काम सम्पन्न गर्न निर्देशन दिएको जानकारी दिए ।
उनले समय अगावै काम सम्पन्न भए ठेक्केदारलाई इन्सेन्टिभ दिने र समयमा काम गर्न नसके पेनाल्टी लगाउने रणनीति लिएर काम गर्न निर्देशन दिएको बताए ।
मधेश स्वास्थ्य विज्ञान प्रतिष्ठानका रजिष्ट्रार विनोद यादवले १८ बिघा गुठीको जग्गामा एकेडमिक भवनसंगै, कक्षा कोठा, प्रयोगशाला, अस्पतालको भवन निर्माण हुने जानकारी दिए । उनले यो भवनको निर्माणसंगै प्रतिष्ठानको शैक्षिक गतिविधि बढ्ने नै छ यसका साथै स्वास्थ्य सेवामा समेत आमूल परिवर्तन आउने बताए ।
काठमाडौं । स्पेनले अर्जेन्टिनालाई १–० ले पराजित गर्दै सन् २०२६ को फिफा विश्वकपको उपाधि जितेपछि विश्व फुटबलमा युवा स्टार लामिन यामाल सबैभन्दा बढी चर्चामा रहे। फाइनलमा... विस्तृतमा
