सेतो खबर
चितवन, जेठ ३ । माडी नगरपालिकाको मेयरमा नेकपा एमालेकी ताराकुमारी काजी महतो निर्वाचित हुनुभएको छ । पाँच दलीय गठबन्धनको तर्फबाट मेयरको उम्मेदवार बनेका नेकपा माओवादी केन्द्रका ऋषि काफ्लेलाई २१७२ मतान्तरले पराजित गर्दै ताराकुमारी बिजयी हुनुभएको हो ।
मेयरमा निर्वाचित महतोले ९९०१ मत प्राप्त गर्नुभएको छ भने पराजीत काफ्लेले जम्मा ७७२९ मत मात्रै प्राप्त गर्नुभयो । मेयर र उपमेयर पदमा एमाले र राप्रपाले तालमेल गरेका थिए ।
उपमेयरमा भने कांग्रेसका खेम महतोले ६८३० मत ल्याएर निर्वाचित हुनुभएको छ । उहाँका निकटतम प्रतिस्पर्धी राप्रपाका मदन पौडेलले ५१४० र स्वतन्त्र उमेदवार कृष्ण पौडेलले ३०८६ मत पाउनु भएको छ । माडी नेकपा माओवादी केन्द्रका अध्यक्ष पुष्पकमल दाहालको निर्वाचन क्षेत्र हो ।
काठमाडौं । भावी प्रधानन्यायाधीश नियुक्तिका लागि सिफारिस गर्ने उद्देश्यले आज संवैधानिक परिषद्को बैठक बस्दैछ। परिषद्का अध्यक्ष तथा प्रधानमन्त्री बालेन्द्र शाह... विस्तृतमा
