सेतो खबर
काठमाडौं । उज्यालो नेपाल पार्टीका अध्यक्ष कुलमान घिसिङले आगामी स्थानीय तहको निर्वाचन गैरदलीय बनाउनुपर्ने माग गरेका छन्। उनले आफ्नो पार्टीले उठाएका मुद्दा कार्यान्वयन भए स्थानीय निर्वाचनमा दलको चुनाव चिह्नभन्दा स्वतन्त्र उम्मेदवारलाई प्राथमिकता दिनुपर्ने बताएका छन्।
बुधबार निर्वाचन आयोगमा सञ्चारकर्मीसँग कुरा गर्दै घिसिङले आफ्नो पार्टी निर्वाचनबाट नभाग्ने स्पष्ट पार्दै स्थानीय तहको निर्वाचन गैरदलीय बनाउन सरकारलाई दबाब दिने बताए।
उनका अनुसार शिक्षा, स्वास्थ्य, पूर्वाधार र दैनिक सेवा प्रवाहजस्ता विषयमा स्थानीय जनप्रतिनिधि राजनीतिक दलभन्दा जनताप्रति बढी जवाफदेही हुनुपर्छ। दलीय टिकट वितरणमा हुने आर्थिक चलखेल, पार्टीको निर्देशनमा चल्नुपर्ने बाध्यता र भ्रष्टाचार न्यूनीकरण गर्न स्थानीय निर्वाचन गैरदलीय बनाउनुपर्ने उनको तर्क छ।
घिसिङले राष्ट्रिय स्वतन्त्र पार्टी (रास्वपा) ले पनि घोषणापत्र तथा प्रतिबद्धतापत्रमा स्थानीय निर्वाचन गैरदलीय बनाउने र विदेशमा रहेका नेपाली नागरिकलाई मतदानको अधिकार सुनिश्चित गर्ने विषय उठाएको स्मरण गराए। तर, सरकार बनेको लामो समय बितिसक्दा पनि यी विषय कार्यान्वयनका लागि ठोस पहल नभएको उनको आरोप छ।
उनले संसद् र सरकार दुवै कायम रहेकाले प्रतिबद्धता कार्यान्वयन गर्न कुनै बहाना बनाउन नहुने बताए। आगामी निर्वाचनअघि नै आवश्यक कानुन संशोधन तथा नियम निर्माण गरी गैरदलीय निर्वाचनको व्यवस्था लागू गर्नुपर्ने उनको माग छ।
त्यस्तै, वैदेशिक रोजगारी, अध्ययन तथा अन्य कारणले विदेशमा रहेका नेपाली नागरिकलाई पनि मतदानको अधिकार सुनिश्चित गर्नुपर्ने घिसिङले बताए। यी विषय आफ्नो पार्टीका प्रमुख प्रतिबद्धतामध्ये रहेको उनको भनाइ छ।
काठमाडौं । स्पेनले अर्जेन्टिनालाई १–० ले पराजित गर्दै सन् २०२६ को फिफा विश्वकपको उपाधि जितेपछि विश्व फुटबलमा युवा स्टार लामिन यामाल सबैभन्दा बढी चर्चामा रहे। फाइनलमा... विस्तृतमा
