सेतो खबर
काठमाडौं । कास्कीमा सालनालसहितको नवजात शिशुलाई मृत अवस्थामा फालेर फरार भएकी एक महिलालाई प्रहरीले पक्राउ गरेको छ।
जिल्ला प्रहरी कार्यालय कास्कीका अनुसार असोज ३ गते राति करिब ११ः४० बजे पोखरा महानगरपालिका–६ लेकसाइडस्थित स्ट्रीट नम्बर ८ मा रहेको एक घरको ट्वाइलेट जाम भई पानी बाहिर निस्किएपछि घरधनीले ट्वाइलेटको च्याम्बर खोल्दा सालनालसहितको नवजात शिशु मृत अवस्थामा फेला परेको सूचना प्रहरीलाई दिएका थिए।
सूचना प्राप्त भएपछि वडा प्रहरी कार्यालय बैदामबाट खटिएको प्रहरी टोलीले प्रारम्भिक अनुसन्धान तथा घटनास्थल मुचुल्का गरी नवजात शिशुको शव पोस्टमार्टमका लागि पोखरा स्वास्थ्य विज्ञान प्रतिष्ठान, पश्चिमाञ्चल क्षेत्रीय अस्पताल पठाएको थियो।
प्रहरीको प्रारम्भिक अनुसन्धानका क्रममा पक्राउ परेकी महिला कास्कीको पोखरा महानगरपालिका–२१ की स्थायी बासिन्दा तथा हाल पोखरा–६ लेकसाइडमा डेरा गरी बस्ने १९ वर्षीया नेपाली नागरिक रहेको खुलेको छ। उनी विवाहित रहेको र २०७८ सालमा सामाजिक परम्पराअनुसार विवाह भएको प्रहरी विज्ञप्तिमा उल्लेख छ।
प्रहरीले महिलालाई असोज ४ गते पोखरा महानगरपालिका–२१, तुकुचास्थित क्षेत्रबाट पक्राउ गरी चिकित्सकीय स्वास्थ्य परीक्षणसमेत गराएको जनाएको छ।
प्रहरीका अनुसार महिलालाई कर्तव्य ज्यानसम्बन्धी कसुरमा जिल्ला अदालत कास्कीबाट १० दिनको म्याद थप गरी अनुसन्धान अघि बढाइएको छ।
काठमाडौं । स्पेनले अर्जेन्टिनालाई १–० ले पराजित गर्दै सन् २०२६ को फिफा विश्वकपको उपाधि जितेपछि विश्व फुटबलमा युवा स्टार लामिन यामाल सबैभन्दा बढी चर्चामा रहे। फाइनलमा... विस्तृतमा
