सेतो खबर
काठमाडौं। गृह मन्त्रालयले विभिन्न तहमा कार्यरत १०० जना कर्मचारीको एकैपटक सरुवा तथा पदस्थापन गरेको छ।
मन्त्रालयले असोज १२ गते गरेको निर्णयअनुसार नायब सुब्बा वा सोसरहका कर्मचारीसहित विभिन्न पदमा कार्यरत कर्मचारीको सरुवा गरिएको हो।
मन्त्रालयका अनुसार सरुवा हुने कर्मचारीमध्ये अधिकांश नायब सुब्बा वा सोसरहका छन्। सेवा प्रवाहको आवश्यकता र कार्यालयको कार्यबोझलाई ध्यानमा राखेर कर्मचारीको सरुवा तथा पदस्थापन गरिएको मन्त्रालयले जनाएको छ।
सरुवा भएका कर्मचारीलाई जिल्ला प्रशासन कार्यालय, कारागार कार्यालय, अध्यागमन कार्यालयलगायत गृह प्रशासनअन्तर्गतका विभिन्न कार्यालयमा खटाइएको छ।
यसपटकको सरुवामा अधिकांश कर्मचारीको कार्यक्षेत्र एउटै जिल्लाभित्र परिवर्तन गरिएको छ। उनीहरूलाई साविकमा कार्यरत कार्यालयबाट सोही जिल्लाका अन्य सरकारी कार्यालयमा सरुवा तथा पदस्थापन गरिएको मन्त्रालयले जनाएको छ।
गृह मन्त्रालयले सरुवा भएका १०० जना कर्मचारीको नाम, साविकको कार्यरत कार्यालय र सरुवा भई जाने कार्यालयको विवरणसहितको नामावलीसमेत सार्वजनिक गरेको छ।
मन्त्रालयका अनुसार सम्बन्धित कार्यालयमा आवश्यक जनशक्ति व्यवस्थापन र नियमित सेवा प्रवाहलाई ध्यानमा राखेर सरुवा गरिएको हो।
काठमाडौं । स्पेनले अर्जेन्टिनालाई १–० ले पराजित गर्दै सन् २०२६ को फिफा विश्वकपको उपाधि जितेपछि विश्व फुटबलमा युवा स्टार लामिन यामाल सबैभन्दा बढी चर्चामा रहे। फाइनलमा... विस्तृतमा
