सेतो खबर
मोरङ । नेपाली कांग्रेसको १५औँ महाधिवेशनअन्तर्गत मोरङ क्षेत्र नम्बर ६ को अधिवेशनस्थलमा बुधबार झडप भएको छ।
सुन्दरहरैँचा–४ स्थित सिक्देल बन्धु समन्वय प्रतिष्ठानमा मनोनयन दर्ताका क्रममा विवाद चर्किएपछि झडप भएको हो। झडपमा केही व्यक्ति घाइते भएका छन्।
images
प्रतिनिधिको नामावलीमा एक महिलाको नाम समावेश नभएको विषयबाट विवाद सुरु भएको बताइएको छ। माइन्युट लेख्ने क्रममा ती महिलाले आफ्नो नाम नपरेको विषयमा कुरा राखेपछि केही व्यक्तिले तोडफोड सुरु गरेको प्रत्यक्षदर्शीको भनाइ छ।
विवाद बढ्दै गएपछि घटनाले झडपको रूप लिएको थियो। स्थिति नियन्त्रणमा लिन सुरक्षाकर्मी परिचालन गरिएको थियो।
झडपका क्रममा कांग्रेस सहमहामन्त्री डिला संग्रौलामाथि समेत दुर्व्यवहार भएको बताइएको छ।
घटनामा क्षेत्रीय सभापतिका उम्मेदवार चुमनारायण तबदार, चेतराज रेग्मी र समुन्द्र पोखरेलमाथि कुटपिट भएको जनाइएको छ।
कुटपिटबाट क्षेत्रीय कार्यवाहक सभापति तबदार, नेता रेग्मीलगायत घाइते भएका छन्।
घाइते नेता-कार्यकर्ताहरूको विराटनगरस्थित नोबेल मेडिकल कलेजमा उपचार भइरहेको छ ।
झडपका क्रममा अधिवेशनस्थलमा रहेका करिब ५० देखि ६० वटा कुर्सी तोडफोड भएका छन्। विवाद र तोडफोडपछि मनोनयन दर्ताको प्रक्रिया प्रभावित भएको छ।
निर्वाचन प्रक्रिया नै रोकिएपछि अब बाँकी मनोनयन दर्ता कहिले र कसरी अघि बढाउने भन्ने विषयमा अन्योल देखिएको छ।
कांग्रेसको स्थानीय नेतृत्वले घटनापछि थप छलफल गरेर निर्वाचन प्रक्रिया अघि बढाउने तयारी गरेको बताइएको छ।
काठमाडौं । स्पेनले अर्जेन्टिनालाई १–० ले पराजित गर्दै सन् २०२६ को फिफा विश्वकपको उपाधि जितेपछि विश्व फुटबलमा युवा स्टार लामिन यामाल सबैभन्दा बढी चर्चामा रहे। फाइनलमा... विस्तृतमा
