सेतो खबर
काठमाडौं । नेपाल एलपी ग्यास उद्योग संघले उपभोक्तालाई पुरानै मूल्यमा खाना पकाउने एलपी ग्यास बिक्री वितरण गर्न उद्योगीहरूलाई आग्रह गरेको छ।
संघले विज्ञप्ति जारी गर्दै शुक्रबारदेखि नेपाल आयल निगमले तोकेको प्रतिसिलिण्डर २ हजार ६० रुपैयाँमा नै ग्यास बिक्री गर्न उद्योगीहरूलाई आग्रह गरेको हो।
भोटेकोशी बाढीका कारण पृथ्वी राजमार्गको कृष्णभीर खण्ड अवरुद्ध भएपछि ग्यास उद्योगीहरूले वैकल्पिक मार्गबाट ग्यास काठमाडौं उपत्यकामा ल्याएर बिक्री गर्दै आएका थिए। त्यसक्रममा उपत्यकाबाहिर रहेका उद्योगबाट ग्यास भरेर ल्याउनुपरेको भन्दै उपभोक्तासँग थप ढुवानी भाडा लिइँदै आएको थियो।
उद्योगीहरूले प्रतिसिलिण्डर १०५ रुपैयाँ ३८ पैसा ढुवानी भाडाबापत थप रकम लिएर ग्यास बिक्री गर्दै आएका थिए। यसले काठमाडौं उपत्यकामा उपभोक्ताले प्रतिसिलिण्डर ग्यासका लागि तोकिएको मूल्यभन्दा बढी रकम तिर्नुपर्ने अवस्था सिर्जना भएको थियो।
पृथ्वी राजमार्ग अवरुद्ध भएपछि गत भदौ १४ गतेदेखि काठमाडौं उपत्यकामा बजारीकरण गरिरहेका उद्योगहरूले मकवानपुर, पर्सा, बारा, चितवन, नवलपरासी र धनुषामा रहेका उद्योगमा सिलिण्डर रिफिल गरी वैकल्पिक मार्गबाट ग्यास ल्याएर बिक्री गर्दै आएका थिए।
बाढीका कारण नियमित आपूर्ति मार्ग अवरुद्ध हुँदा ग्यास ढुवानीमा थप खर्च लागेकाले उद्योगीहरूले उक्त रकम उपभोक्ताबाट असुल गर्दै आएका थिए। तर, अब संघले पुरानै बिक्री मूल्य कायम गर्न आग्रह गरेको हो।
नेपाल आयल निगमले तोकेको मूल्यअनुसार शुक्रबारदेखि प्रतिसिलिण्डर २ हजार ६० रुपैयाँमा ग्यास बिक्री गर्न संघले गरेको आग्रहसँगै उपभोक्ताले थप ढुवानी भाडा तिर्नुपर्ने अवस्था अन्त्य हुने अपेक्षा गरिएको छ।
ग्यासको मूल्यमा एकरूपता कायम गर्न तथा उपभोक्तालाई सहुलियत दिन संघले उद्योगीहरूलाई निगमले तोकेको मूल्यमा बिक्री वितरण गर्न आग्रह गरेको जनाएको छ।
काठमाडौं । स्पेनले अर्जेन्टिनालाई १–० ले पराजित गर्दै सन् २०२६ को फिफा विश्वकपको उपाधि जितेपछि विश्व फुटबलमा युवा स्टार लामिन यामाल सबैभन्दा बढी चर्चामा रहे। फाइनलमा... विस्तृतमा
