सुनको मूल्य ३४ सय रुपैयाँले बढ्यो, चाँदी पनि महँगियो

काठमाडौं । बिहीबार नेपाली बजारमा सुनको मूल्य प्रतितोला ३ हजार ४ सय रुपैयाँले बढेको छ ।

नेपाल सुनचाँदी व्यवसायी महासंघका अनुसार बुधबार प्रतितोला ३ लाख २ हजार ४ सय रुपैयाँमा कारोबार भएको छापावाला सुनको मूल्य बिहीबार बढेर ३ लाख ५ हजार ८ सय रुपैयाँ पुगेको हो ।

यसैगरी, बिहीबार चाँदीको मूल्य पनि बढेको छ । चाँदीको मूल्य प्रतितोला १ सय ५ रुपैयाँले बढेर ४ हजार ८ सय ५५ रुपैयाँ पुगेको महासंघले जनाएको छ ।

बुधबार चाँदी प्रतितोला ४ हजार ७ सय ५० रुपैयाँमा कारोबार भएको थियो । पछिल्लो समय अन्तर्राष्ट्रिय बजारमा सुनको मूल्यमा देखिएको उतारचढावको प्रभाव नेपाली बजारमा समेत परेको छ ।