सेतो खबर
काठमाडौं । एसीसी मेन्स प्रिमियर कपमा नेपालले लगातार दोस्रो जित हात पारेको छ। बिहीबार भएको खेलमा नेपालले घरेलु टोली मलेसियालाई ६ विकेटले पराजित गरेको हो।
मलेसियाले दिएको १०४ रनको लक्ष्य नेपालले २१.४ ओभरमा ४ विकेट गुमाएर पूरा गर्यो। नेपालका लागि अर्जुन कुमालले अविजित ४५ रन बनाए भने दीपेन्द्र सिंह ऐरीले अविजित १२ रनको योगदान दिए।
यसअघि नेपालका आशिफ शेख गोल्डेन डकआउट हुँदा देव खनाल २ रनमा आउट भएका थिए। इशान पाण्डेले २० तथा कप्तान रोहित पौडेलले १० रन बनाए।
त्यसअघि टस जितेर पहिले ब्याटिङ गरेको मलेसिया ३२.३ ओभरमा १०३ रनमा अलआउट भएको थियो। मलेसियाका कप्तान सायिद अजिजले सर्वाधिक ३० रन बनाए।
नेपालका लागि करण केसीले उत्कृष्ट बलिङ गर्दै ७.३ ओभरमा २३ रन खर्चेर ४ विकेट लिए। ललित नारायण राजवंशीले २ तथा हेमन्त धामी, दीपेन्द्र सिंह ऐरी र सन्दीप लामिछानेले समान १ विकेट लिए।
नेपालले प्रतियोगिताको पहिलो खेलमा बहराइनलाई पराजित गरेको थियो। मलेसियाविरुद्धको जितसँगै नेपालले प्रतियोगितामा लगातार दोस्रो जित दर्ता गरेको छ।
काठमाडौं । स्पेनले अर्जेन्टिनालाई १–० ले पराजित गर्दै सन् २०२६ को फिफा विश्वकपको उपाधि जितेपछि विश्व फुटबलमा युवा स्टार लामिन यामाल सबैभन्दा बढी चर्चामा रहे। फाइनलमा... विस्तृतमा
