सेतो खबर
। बागमती प्रदेशका मुख्यमन्त्री इन्द्रबहादुर बानियाँले विश्वासको मत प्राप्त गर्ने अवस्था नदेखिएपछि पदबाट राजीनामा दिएका छन्।
सोमबार बसेको प्रदेशसभा बैठकलाई सम्बोधन गर्दै मुख्यमन्त्री बानियाँले राजीनामाको घोषणा गरेका हुन्।
नेकपा एमालेले गत साउन ६ गते सरकारलाई दिएको समर्थन फिर्ता लिएपछि बानियाँ नेतृत्वको सरकार अल्पमतमा परेको थियो। संवैधानिक व्यवस्थाअनुसार विश्वासको मत लिनुपर्ने भएपछि उनले त्यसका लागि प्रदेशसभा बैठक बोलाएका थिए।
तर, प्रदेशसभामा आवश्यक बहुमत जुट्ने सम्भावना नदेखिएपछि विश्वासको मतसम्बन्धी प्रक्रिया अघि नबढाई बानियाँले राजीनामा दिने निर्णय गरेका हुन्।
११० सदस्यीय बागमती प्रदेशसभामा नेपाली कांग्रेस ३६ सिटसहित सबैभन्दा ठूलो दल रहेको छ। नेकपाका २६ र नेकपा एमालेका २५ सांसद छन्। त्यस्तै, राष्ट्रिय प्रजातन्त्र पार्टी (राप्रपा)का १२, नेपाल मजदुर किसान पार्टी (नेमकिपा)का तीन र हाम्रो नेपाली पार्टीका दुई सांसद छन्।
प्रदेशसभामा बहुमतका लागि ५३ सांसदको समर्थन आवश्यक पर्छ। तर, कांग्रेसका ३६ र सरकारमा सहभागी हाम्रो नेपाली पार्टीका दुई गरी बानियाँको पक्षमा ३८ सांसद मात्रै देखिएका थिए।
एमालेले समर्थन फिर्ता लिएपछि अल्पमतमा परेको सरकारलाई जोगाउन अन्य दलबाट आवश्यक समर्थन जुटाउन नसकेपछि बानियाँले मुख्यमन्त्री पदबाट राजीनामा दिएका हुन्।
बानियाँ २०८२ साउन २० गते बागमती प्रदेशको छैटौँ मुख्यमन्त्री बनेका थिए। आफ्नै दलभित्रको शक्ति संघर्षका बीच मुख्यमन्त्री बनेका बानियाँ करिब एक वर्ष नपुग्दै पदबाट बाहिरिएका छन्।
काठमाडौं । स्पेनले अर्जेन्टिनालाई १–० ले पराजित गर्दै सन् २०२६ को फिफा विश्वकपको उपाधि जितेपछि विश्व फुटबलमा युवा स्टार लामिन यामाल सबैभन्दा बढी चर्चामा रहे। फाइनलमा... विस्तृतमा
