सेतो खबर
काठमाडौं । दक्षिण कोरियाको श्रम बजारमा ई–७ भिसामार्फत रोजगारीको अवसर पर्खिरहेका नेपाली सीपयुक्त श्रमिकका लागि युवा, श्रम तथा रोजगार मन्त्रालयले महत्त्वपूर्ण निर्णय गरेको छ।
मन्त्रालयले सीपयुक्त श्रमिकलाई दक्षिण कोरिया पठाउने प्रक्रिया कानुनसम्मत रूपमा अघि बढाउन परराष्ट्र मन्त्रालयलाई औपचारिक पत्राचार गरेको हो।
परराष्ट्र मन्त्रालयबाट प्राप्त निर्देशन, कोरियाली दूतावासबाट आएको कूटनीतिक नोट तथा उच्च अदालत पाटनबाट जारी आदेशलाई आधार बनाएर मन्त्रालयले उक्त निर्णय गरेको जनाएको छ।
अब ई–७ भिसामार्फत दक्षिण कोरियामा रोजगारीका लागि जाने श्रमिकको प्रक्रिया वैदेशिक रोजगार ऐन, २०६४ तथा अन्य प्रचलित कानुनअनुसार सञ्चालन गरिनेछ। यसका लागि गन्तव्य मुलुकस्थित नेपाली कूटनीतिक नियोगबाट मागपत्र प्रमाणीकरण गराई सम्पूर्ण प्रक्रिया अघि बढाउन मन्त्रालयले परराष्ट्र मन्त्रालयलाई अनुरोध गरेको छ।
मन्त्रीस्तरबाट असार १५ गते भएको निर्णयका आधारमा उक्त पत्राचार गरिएको मन्त्रालयले जनाएको छ।
यस्तै, मन्त्रालयले वैदेशिक रोजगार विभाग, ताहाचललाई आवश्यक व्यवस्थापन गरी प्रक्रिया प्रभावकारी र व्यवस्थित बनाउन निर्देशन दिएको छ। साथै, सियोलस्थित नेपाली राजदूतावासलाई पनि उक्त निर्णयको बोधार्थ पठाइएको छ।
काठमाडौं । भावी प्रधानन्यायाधीश नियुक्तिका लागि सिफारिस गर्ने उद्देश्यले आज संवैधानिक परिषद्को बैठक बस्दैछ। परिषद्का अध्यक्ष तथा प्रधानमन्त्री बालेन्द्र शाह... विस्तृतमा
