सेतो खबर
विराटनगर। नेपाली कांग्रेसका पूर्वमहामन्त्री शशांक कोइराला ले पार्टी व्यावहारिक रूपमा फुटिसकेको टिप्पणी गरेका छन्। आइतबार विराटनगरमा आयोजित संस्थापनइतर समूहको भेलालाई सम्बोधन गर्दै उनले कांग्रेसको वर्तमान अवस्थाप्रति गम्भीर चिन्ता व्यक्त गरे।
कांग्रेस कमजोर अवस्थाबाट गुज्रिरहेको बताउँदै उनले वर्तमान नेतृत्वको कार्यशैलीमाथि प्रश्न उठाए। उनले भने, “के गगन थापा ले एक्लै पार्टी चलाउन सक्नुहुन्छ?” पार्टी सुधारका लागि नेतृत्वले रुढिवादी सोच त्यागेर पहिले आफूभित्र परिवर्तन ल्याउनुपर्ने उनको भनाइ थियो।
कोइराला निवास पुगेको प्रसंग स्मरण गर्दै भावुक बनेका उनले भने, “आज कोइराला निवास गएँ, आँखाबाट आँसु आयो। कांग्रेस आज टुक्रिएको छ, यसलाई टुक्र्याइएको छ। अदालतले बनाएको विभाजनको रेखा गलत थियो।”
पार्टीभित्रको आन्तरिक कलहकै कारण गाउँगाउँमा कांग्रेसका कार्यकर्ता भए पनि निर्वाचनमा अपेक्षित मत प्राप्त गर्न नसकिएको उनको भनाइ थियो। उनले अब सबैलाई एक ढिक्का बनाएर अघि बढ्नुपर्ने आवश्यकता औंल्याए।
डा. कोइरालाले पार्टीलाई पुनः एकताबद्ध गर्ने अभियानको नेतृत्व शेखर कोइराला ले गरिरहेको उल्लेख गर्दै त्यसमा आफ्नो पूर्ण साथ र समर्थन रहने बताए। कांग्रेसलाई बलियो बनाउन अहिलेको मुख्य आवश्यकता पार्टी एकता रहेको उनको धारणा थियो।
काठमाडौं । स्पेनले अर्जेन्टिनालाई १–० ले पराजित गर्दै सन् २०२६ को फिफा विश्वकपको उपाधि जितेपछि विश्व फुटबलमा युवा स्टार लामिन यामाल सबैभन्दा बढी चर्चामा रहे। फाइनलमा... विस्तृतमा
