सेतो खबर
वरिष्ठ भारतीय अभिनेता राकेश बेदी हिन्दी चलचित्र ‘है जवानी तो इश्क होना है’ को प्रचार–प्रसारका लागि आइतबार काठमाडौं आएका छन् ।
उनको नेपाल भ्रमणको आयोजना चलचित्र वितरक कश्यप नरेन्द्र वेद र नवीन उदाशले गरेका हुन् । नियोम फिल्म्स र क्यापिटल वल्र्ड ग्रुपमार्फत उनीहरूले भारत–नेपाल चलचित्र सहकार्यलाई थप मजबुत बनाउन सक्रिय भूमिका निर्वाह गर्दै आएका छन् । उक्त टोली हालै नेपालमा प्रदर्शन भएको चलचित्र ‘पेड्डी’ सँग पनि आबद्ध रहेको जनाइएको छ ।
प्रचारात्मक भ्रमणअन्तर्गत अभिनेता बेदीले काठमाडौंका विभिन्न चलचित्र हलको भ्रमण गरी दर्शक तथा प्रदर्शकसँग भेटघाट गर्ने कार्यक्रम रहेको छ । साथै, उनले पशुपतिनाथ मन्दिरमा दर्शन तथा पूजा–आराधना गर्ने कार्यक्रम पनि तय गरिएको छ ।
त्यसैगरी, मण्डला थिएटरमा आयोजना हुने पत्रकार सम्मेलनमा सहभागी हुँदै उनले ‘है जवानी तो इश्क होना है’ चलचित्रबारे जानकारी दिने छन् ।
आयोजकका अनुसार यस भ्रमणले नेपाली र भारतीय चलचित्र उद्योगबीचको बढ्दो सहकार्यलाई अझ सुदृढ बनाउने अपेक्षा गरिएको छ । साथै, चलचित्रमार्फत दुवै देशका दर्शकबीचको सम्बन्ध थप प्रगाढ बनाउने उद्देश्य राखिएको जनाइएको छ ।
काठमाडौं । भावी प्रधानन्यायाधीश नियुक्तिका लागि सिफारिस गर्ने उद्देश्यले आज संवैधानिक परिषद्को बैठक बस्दैछ। परिषद्का अध्यक्ष तथा प्रधानमन्त्री बालेन्द्र शाह... विस्तृतमा
