सेतो खबर
काठमाडौं । सरकारले मधेस प्रदेशकी प्रदेश प्रमुख समित्रा सुवेदी भण्डारीलाई पदमुक्त गर्ने निर्णय गरेको छ। सोमबार बसेको मन्त्रिपरिषद्को बैठकले भण्डारीलाई पदमुक्त गर्ने निर्णय गरेको सञ्चार तथा सूचना प्रविधि मन्त्री जगदिश खरेलले जानकारी दिएका छन्।
मन्त्री खरेलका अनुसार सरकारले सुरेन्द्र लाभ कर्णलाई मधेस प्रदेशको नयाँ प्रदेश प्रमुखमा नियुक्त गर्नका लागि राष्ट्रपति समक्ष सिफारिस गरेको छ।
प्रदेश प्रमुख भण्डारीले हालै संविधानको धारा १६८(३) अनुसार नेकपा एमालेका संसदीय दलका नेता सरोजकुमार यादवलाई मुख्यमन्त्रीमा नियुक्त गरी शपथ खुवाएपछि विवादमा तानिएकी थिइन्।
उनको उक्त कदमविरुद्ध कांग्रेस, माओवादीसहितका सात दलले विरोध जनाउँदै भण्डारीलाई बर्खास्त गर्न माग गरेका थिए।
अब राष्ट्रपति कार्यालयले मन्त्रिपरिषद्को सिफारिसअनुसार नयाँ प्रदेश प्रमुखको नियुक्ति गर्ने तयारी गरेको स्रोतले जनाएको छ।
काठमाडौं । भावी प्रधानन्यायाधीश नियुक्तिका लागि सिफारिस गर्ने उद्देश्यले आज संवैधानिक परिषद्को बैठक बस्दैछ। परिषद्का अध्यक्ष तथा प्रधानमन्त्री बालेन्द्र शाह... विस्तृतमा
