सेतो खबर
काठमाडौं । महालक्ष्मी विकास बैंक र भारतको प्रतिष्ठित वित्तीय संस्था एचडीएफसी बैंकबीच सीमा–पार वित्तीय सेवाहरूलाई प्रवद्र्धन गर्ने उद्देश्यले समझदारी भएको छ। यस सम्झौता अनुसार अब भारतबाट नेपालमा सहज र सिधा भुक्तानी गर्न सकिने व्यवस्था लागू गरिएको छ।
यस प्रणालीमार्फत महालक्ष्मी विकास बैंक भारतबाट नेपालमा भुक्तानी सेवा सुरु गर्ने पहिलो विकास बैंक बनेको छ। एचडीएफसी बैंकको अत्याधुनिक Cash Management Service (CMS) अन्तर्गत रहेको चेक कलेक्शन तथा इलेक्ट्रोनिक क्यास म्यानेजमेन्ट प्रणालीमार्फत ग्राहकले भारतबाट सिधै महालक्ष्मी विकास बैंकको खातामा रकम जम्मा गर्न सक्नेछन्।
भुक्तानीका लागि नेशनल इलेक्ट्रोनिक फण्ड ट्रान्सफर (NEFT), रियल टाइम ग्रस सेटलमेन्ट (RTGS) र फण्ड ट्रान्सफर जस्ता माध्यम प्रयोग गर्न सकिनेछ। यसबाहेक भारतका अन्य बैंकबाट जारी चेकहरू पनि एचडीएफसीमार्फत नेपालमा जम्मा गर्न सकिने सुविधा पनि उपलब्ध हुनेछ।
बैंकका अनुसार दुवै संस्थाबीच सम्पूर्ण प्रक्रियागत कार्यहरू सम्पन्न भई परीक्षण कारोबार समेत भइसकेको छ। यस सम्झौताले नेपाल–भारतबीचको बैंकिङ्ग सम्बन्ध अझ मजबुत बनाउने र सीमा–पार व्यापार तथा रेमिट्यान्स कारोबारलाई सहज र प्रविधिमैत्री बनाउने अपेक्षा गरिएको छ।
हालै मात्र बैंकले आफ्नो मोबाइल बैंकिङ एप ‘महालक्ष्मी स्मार्ट साथी’ मा भर्चुअल क्रेडिट कार्ड सुविधा थप गरेर डिजिटल सेवा विस्तारमा थप कदम चालेको छ।
“सबल बैंक, सफल सहकार्य” भन्ने नारासहित देशभर १०३ शाखा र ८ लाखभन्दा बढी ग्राहक सेवा प्रदान गर्दै आइरहेको महालक्ष्मी विकास बैंकले डिजिटल नवप्रवर्तनका माध्यमबाट वित्तीय पहुँच अझ व्यापक बनाउने प्रतिबद्धता जनाएको छ।
काठमाडौं । भावी प्रधानन्यायाधीश नियुक्तिका लागि सिफारिस गर्ने उद्देश्यले आज संवैधानिक परिषद्को बैठक बस्दैछ। परिषद्का अध्यक्ष तथा प्रधानमन्त्री बालेन्द्र शाह... विस्तृतमा
