सेतो खबर
काठमाडौं । एनआईसी एशिया बैंक लिमिटेडले आज आफ्नो २८औं वार्षिकोत्सव मनाउँदै औपचारिक रूपमा २८औं वर्षमा प्रवेश गरेको छ। सन् १९९८ मा स्थापना भएको बैंकले सबै सरोकारवालाको पहिलो रोजाईको बैंक बन्ने दृढ संकल्पका साथ अघि बढिरहेको छ।
बैंकका सहायक प्रमुख कार्यकारी अधिकृत तथा प्रमुख सूचना अधिकारी अर्जुन राज खनियाले जारी गरेको सन्देशमा बैंकको यात्रा देशकै “सबैभन्दा सहज, सबल, गतिशील, विश्वसनीय र उत्तरदायी बैंक” बन्ने दिशामा अगाडि बढिरहेको उल्लेख गरिएको छ।
उनका अनुसार, “हामीलाई आजसम्म साथ, विश्वास र माया दिनु भएका समस्त ग्राहक, नियामक निकाय, शेयरधनी तथा कर्मचारीहरूलाई हार्दिक धन्यवाद दिन चाहन्छौं। नेपालको वित्तीय क्षेत्रमा अहिलेसम्म हामीले पुर्याएको योगदानको सम्पूर्ण श्रेय तपाईंहरूलाई नै जान्छ।”
बैंकले डिजिटल फस्ट बैंक बन्ने उद्देश्यसहित भौतिक तथा डिजिटल सेवा विस्तारमा जोड दिँदै आएको छ। हाल बैंकसँग मुलुकभर ३६० शाखा कार्यालयहरू, ६७० एटिएम, ११६ विस्तारित काउन्टर तथा ४२ शाखारहित बैंकिङ सेवा सञ्जालमार्फत लाखौं ग्राहकहरूसम्म सेवा पुर्याउँदै आएको छ।
साथै, बैंकले मुगु, कालिकोट, बझाङ, रुकुम, जुम्ला, सल्यानजस्ता दुर्गम तथा वित्तीय पहुँच न्यून भएका जिल्लामा समेत शाखा विस्तार गरी वित्तीय समावेशीकरणलाई थप सुदृढ बनाएको जनाएको छ।
खनियाका अनुसार, “हामी आगामी दिनहरूमा अझ प्रविधिमैत्री, ग्राहकमैत्री, विश्वस्तरीय सेवा तथा सुविधाहरू लिएर आउनेछौं। हाम्रो लक्ष्य भनेको सबै सरोकारवालाहरूको पहिलो रोजाईको बैंक बन्नु हो।”
बैंकले वार्षिकोत्सवको अवसरमा समस्त सरोकारवालाहरूलाई कृतज्ञता प्रकट गर्दै भविष्यमा अझ नवप्रवर्तनशील र उत्तरदायी बैंकिङ अभ्यासमार्फत राष्ट्रको आर्थिक वृद्धिमा योगदान पु¥याउने प्रतिबद्धता व्यक्त गरेको छ।
काठमाडौं । भावी प्रधानन्यायाधीश नियुक्तिका लागि सिफारिस गर्ने उद्देश्यले आज संवैधानिक परिषद्को बैठक बस्दैछ। परिषद्का अध्यक्ष तथा प्रधानमन्त्री बालेन्द्र शाह... विस्तृतमा
