विश्वकप २०१८ : जुआन क्विंत्रो र लुका मोडरिचलाई पछि पार्दे पाभर्डको नाममा विश्वकपको सर्वश्रेष्ठ गोल

फ्रान्सको राइट बैक खेलाडी बेंजामिन पाभर्ड द्धारा प्रि–क्वार्टरफाइनलमा अर्जेन्टिना विरुद्ध गरिएको गोललाई विश्वकप २०१८ को उत्कृष्ट गोल चुनिएको छ । स्टटगार्डका २२ बर्षिय डिफेन्डर पाभर्डले अर्जेन्टिना विरुद्ध लेफ्ट विंग बाट आकर लुका हर्नाडेजको क्रसमा अर्जेन्टिनाको गोल पोष्टको जाली चुमाएका थिए । तब बल कोण बनाउदै अर्जेन्टिनाको गोल पोष्टमा छिरेको थियो ।

फ्रान्सको टिमले उक्त प्रतिस्पर्धामा अर्जेन्टिनालाई ४–३ ले पराजित गर्दे क्वार्टरफाइनलमा ठाउँ बनाएको थियो भने क्रोएशियालाई फाइनल प्रतिस्पर्धामा हराउदै फिफा विश्वकप २०१८ को उपाधिमा कब्जा गरेको थियो । फिफाद्धारा गराइएको भोटिङमा टुर्नामेन्टमा गरिएको सबै १६९ गोल मध्येबाट पाभर्डले अर्जेन्टिना विरुद्ध गरेको गोललाई सर्वश्रेष्ठ गोल घोषणा गरीयो ।

उनको यो गोलले कोलंबियाको मिडफिल्डर जुआन क्विंत्रो द्धारा जापान विरुद्ध गरीएको फ्रि किक र क्रोएशियाका कप्तान लुका मोडरिचद्धारा ग्रुप स्टेजमा अर्जेन्टिना विरुद्ध गरिएको गोललाई पछाडि पार्दे पहिलो नं मा परेको हो ।