४० लाख जनसंख्या भएको क्रोएशिया पहिलोपटक विश्वकप फाइनलमा, यसरी मनाए देशवासीले खुशीयाली

४० लाख जनसंख्या भएको क्रोएशियाले बुधबार फिफा विश्वकप २०१८ को दोस्रो सेमीफाइनलमा शिर्षकको प्रवल दावेदार इङ्गल्याण्ड लाई २–१ ले पराजित गर्दे पहिलोपटक फाइनलमा प्रवेश गरेको छ । अब आइतबार क्रोएशियाको फाइनलमा प्रतिस्पर्धा फ्रान्ससँग हुनेछ, जसले पहिलो सेमिफाइनलमा बेल्जियमलाई १–० ले हराएको थियो । क्रोएशियाको जितमा फ्यानहरु खुशीले पागल भएका छन् ।

क्रोएशियाली दर्शकहरुले जागरेबको विचमा सेमिफाइनल म्याचका आनन्द लिए र जीतको जबरदस्त खुशीयाली मनाए । फ्यानहरुले आतिशवाजी गरे र देशको झण्डा फहराउदै जीतको खुशीयाली मनाए ।

क्रोएशियाको एक फ्यानले भने कसैले पनि हामीले जित्छौ भनेर आशा गरेका थिएनन् । अंग्रेजी मिडियाले पुरै हप्ता हामीहरुलाई मजाक बनायो र हामीहरुसँग जित्ने सम्भावना छैन भन्दै हल्ला गर्यो । तर हाम्रो खेलाडीहरुले उत्कृष्ट प्रदर्शन गर्दे उनीहरुको मुखमा ताला लगाइदिएका छन् ।

क्रोएशियाका अर्का दर्शकले यो जितसँग हामीहरुले गर्व महशुस गरेको बताए । उनले भने पछिल्लो पटक हामीहरुले युद्ध र स्वतन्त्रतापछि १९९८ मा सेमिफाइनलमा प्रवेश गरेका थियौ । यो सानो देशको लागी निकै महत्वपुर्ण हो ।

क्रोएशियाको राष्ट्रपति कोलिंडा गर्बर कित्रोविचले ब्रिटीश प्रधानमन्त्रि थेरेसा मईलाई क्रोएशियाको जर्सी भेट स्वरुप प्रदान गरेकी थिइन ।
जीतसँग क्रोएशियाको खेलाडीहरुलाई राष्ट्रिय हिरोको रुपमा हेरिएको छ ।

क्रोएशियाका मारियो म्याडजुकिचले एक्स्ट्रा समयमा गोल गर्दे टिमलाई पहिलो पटक विश्वकपको फाइनलमा पुर्याएका हुन् । उनले १०९ मिनेटमा गोल गरे । यो भन्दा पहिला फुलटाइमसम्म क्रोएशिया र इङ्गल्याण्ड को स्कोर १–१ ले बराबरी थियो । इङ्गल्याण्ड को ट्रिपियरले पहिलो गोल गरेका थिए । फेरी ६८ औ मिनेटमा क्रोएशियाली स्ट्राइकर इवान पेरिसिचले गोल गर्दे स्कोर बराबरी गरेका थिए ।