आजबाट विश्व फुटबलमय, २११ देशमा हेरीनेछ विश्वकपको महाकुम्भ

जेठ ३१ । फिफा विश्वकप आजबाट रसियामा सुरु हुँदै छ । प्रत्येक चार चार बर्षमा आयोजना हुने फुटबलको महाकुम्भ मेला मानिने रुस विश्वकप २१ औ संस्करण हो । खेलमा सहभागी हुन ३२ राष्ट्रका सबै खेलाडी, कोच तथा प्रतिनिधिहरु रसिया पुगीसकेका छन् । रसियाको माहोल अहिले कुनै पर्व भन्दा कम छैन भने विश्वभरका खेल प्रेमीहरुका विच विभिन्न अडकलवाजी तथा कौतुहलता जागेको छ ।

प्रतियोगिताको उद्घाटन खेलमा आज आयोजक रसिया र साउदी अरेबिया विचको खेल नेपाली समया अनुसार साँझ ८ः४५ बजे लजनिकि स्टेडियम, मस्कोमा हुदैछ ।

३२ राष्ट्र सहभागी विश्वकपमा प्रत्येक गु्रपमा ४÷४ वटा राष्ट्रलाई ८ वटा ग्रुपमा बाडिएको छ । खेल ३२ दिनसम्म खेलीनेछ भने ६४ वटा जम्मा ६४ वटा म्याच हुनेछ ।
विश्वकपमा मेसी, रोनाल्डो, नेयमार, इनिस्ता, मुलर, सुआरेज जस्ता फुटबल स्टारले आफनो दबदबा राख्छन् कि विश्वकप मार्फत नयाँ खेलाडीको परिचयको उदय हुने हो त्या भने हेर्न वाँकी छ ।
यो पटकको दावेदारी
ब्राजील : ५ पटक विश्वकप जितिसकेको ब्राजीलमा नेयमारको दमदार लय, मजबुत आक्रमण तथा प्रतिद्धन्दिलाई दबाएर खेल्ने शैलीले ब्राजीलले जित्ने सम्भावना देखिएको छ ।
जर्मनी : ४ पटक विश्वकप जितिसकेको जर्मनी टिमको खेललाई गहिराईसम्म बुझ्ने क्षमता, उत्कृष्ट तालमेल तथा पछिल्लो पटक च्याम्पियन बनेको आत्मविश्वासले जर्मनीले पनि २०१८ विश्वकप हात पार्ने प्रवल सम्भावना देखिन्छ ।
स्पेन : एक पटक च्याम्पियन बनिसकेको स्पेनले पोजीशनमा आधारीत खेल खेल्ने चतुर शैली अपनाउछ । इनिएस्ता, विला र रामोस जस्ता खेलाडीले विश्वकपमा बलियो दाबेदारी दिन सक्छन् ।
बेल्जियम : अहिलेसम्म विश्वकप नजितेको बेल्जियममा अधिकांश ३० नकटेका खेलाडीहरु छन समग्रमा बेल्जियमी खेलाडीहरुको औसत उमेर २७ बर्ष छ । कप्तान हेजार्ड, केविन डी बु्रएनबाट धेरै आशा ।

३२ राष्ट्र सहभागी यो विश्वकपमा अहिलेसम्म ८ वटा देशले मात्र विश्वकपको उपाधि जितेको छ ।

मेसी र रोनाल्डो होइन यी खेलाडीहरुमा राख्नुहोस नजर
यो विश्वकपमा मेसी र रोनाल्डो जस्ता स्टारहरुको विचमा जुन खेलाडी हेर्न लायक हुन्छन् ती हुन् ः नेयमार, सुआरेज, सलाह, पोग्बा, डी ब्रुएन, कवानी, ग्रीजमैन, ह्यारी केन र मुल पनि समावेश छन् ।