सेतो खबरद्वारा प्रकाशित गरिएको हो |
काठमाडौं । नेकपा एमालेका अध्यक्ष केपी शर्मा ओलीले सरकारविरुद्ध आन्दोलनका लागि तयार रहन पार्टीका नेता तथा कार्यकर्तालाई निर्देशन दिएका छन् ।
मंगलबार काठमाडौंमा आयोजित अखिल नेपाल किसान महासंघ केन्द्रीय कमिटीको विस्तारित बैठकलाई सम्बोधन गर्दै अध्यक्ष ओलीले जुनसुकै बेला पनि आन्दोलनमा उत्रिनुपर्ने अवस्था आउन सक्ने भन्दै पार्टी पंक्तिलाई तयारी अवस्थामा रहन आग्रह गरेका हुन् ।
ओलीले आन्दोलनका लागि सधैँ लामो समयसम्म तयारी गर्नुपर्ने अवस्था नहुने उल्लेख गर्दै परिस्थिति असह्य बने तत्कालै आन्दोलनमा उत्रिनुपर्ने अवस्था आउन सक्ने बताए ।
‘आन्दोलन सधैँ लामो तयारी गरेर मात्रै हुँदैन, असह्य भएपछि तत्कालै पनि हुन सक्छ,’ उनले भने ।
उनले विभिन्न गतिविधि र आतंकपूर्ण वातावरणका कारण आफूहरू केही पछाडि धकेलिएको भए पनि यस्तो अवस्था सधैँ कायम नरहने दाबी गरे । नेता तथा कार्यकर्तालाई आत्मविश्वास र उच्च मनोबलका साथ अघि बढ्न आग्रह गर्दै उनले बदलिँदो राजनीतिक परिस्थितिको सामना गर्न तयार रहनुपर्ने बताए ।
अध्यक्ष ओलीले आगामी निर्वाचनलाई लक्षित गर्दै पार्टीको संगठनात्मक शक्ति र जनमतका आधारमा प्रतिस्पर्धी राजनीतिक शक्तिहरूलाई पराजित गर्ने लक्ष्यसहित अघि बढ्नुपर्ने धारणा राखे ।
उनले पार्टी संगठनलाई थप सुदृढ बनाउन नेता तथा कार्यकर्तालाई जनताको घरदैलोमा पुग्न निर्देशन दिए । विशेषगरी किसान तथा आम नागरिकका समस्या बुझ्ने, उनीहरूसँग प्रत्यक्ष संवाद गर्ने र जनताका मुद्दालाई पार्टीको प्राथमिकतामा राख्नुपर्नेमा उनले जोड दिए ।
एमालेलाई देशको निर्णायक राजनीतिक तथा लोकतान्त्रिक शक्तिका रूपमा स्थापित गर्न पार्टीका सबै तहका नेता तथा कार्यकर्ता एकताबद्ध भएर परिचालित हुनुपर्ने ओलीको भनाइ थियो ।
उनको यो अभिव्यक्तिलाई एमालेले आगामी दिनमा सरकारविरुद्ध राजनीतिक दबाब र आन्दोलनका कार्यक्रम अघि बढाउन सक्ने संकेतका रूपमा हेरिएको छ ।
काठमाडौं । स्पेनले अर्जेन्टिनालाई १–० ले पराजित गर्दै सन् २०२६ को फिफा विश्वकपको उपाधि जितेपछि विश्व फुटबलमा युवा स्टार लामिन यामाल सबैभन्दा बढी चर्चामा रहे। फाइनलमा... विस्तृतमा