सेतो खबर
काठमाडौं । नेकपा एमालेको ललितपुरस्थित च्यासलमा रहेको केन्द्रीय कार्यालयको सुरक्षामा खटिएका सशस्त्र प्रहरी बलका सुरक्षाकर्मी फिर्ता भएका छन्।
एमाले केन्द्रीय कार्यालयका सचिव भीष्म अधिकारीका अनुसार सोमबारदेखि कार्यालयको सुरक्षामा खटिएको सशस्त्र प्रहरीको टोली फिर्ता भएको हो।
यसअघि एमालेको केन्द्रीय कार्यालयमा पाँच जना सशस्त्र प्रहरी २४ सै घण्टा सुरक्षाका लागि तैनाथ रहने गरेका थिए। २०७८ सालदेखि च्यासलमा सञ्चालन हुँदै आएको पार्टी कार्यालयमा उनीहरू नियमित रूपमा खटिँदै आएका थिए। आइतबारसम्म सुरक्षामा रहेको टोली सोमबारदेखि फिर्ता भएको हो।
यसअघि गृह मन्त्रालयले विशिष्ट तथा अति विशिष्ट व्यक्तिहरूको सुरक्षामा निर्धारित मापदण्डभन्दा बढी सुरक्षाकर्मी परिचालन गरिएको भए उनीहरूलाई आफ्नै दरबन्दीमा फिर्ता पठाउन निर्देशन दिएको थियो।
मन्त्रालयको उक्त निर्देशन कार्यान्वयन गर्ने क्रममा एमाले केन्द्रीय कार्यालयमा खटिएका सशस्त्र प्रहरी पनि फिर्ता भएका हुन्।
काठमाडौं । स्पेनले अर्जेन्टिनालाई १–० ले पराजित गर्दै सन् २०२६ को फिफा विश्वकपको उपाधि जितेपछि विश्व फुटबलमा युवा स्टार लामिन यामाल सबैभन्दा बढी चर्चामा रहे। फाइनलमा... विस्तृतमा
