सेतो खबर
काठमाडौं । नेपालको जेम्स स्कुल र जापानका दुई प्रतिष्ठित विद्यालय असाहिजुकु सेकेन्डरी स्कुल र कासिमा गाकुएन हाई स्कुलबीच शैक्षकि सहकार्यका लागि सम्झौता भएको छ ।
जेम्स स्कुलले जापानी विद्यालयका अध्यक्ष तथा उपाध्यक्षसहितको प्रतिनिधिमण्डलको उपस्थितिमा बुधबार दुई विद्यालयसँग भगिनी विद्यालय साझेदारीका लागि समझदारीपत्रमा हस्ताक्षर गरेको हो ।
साझेदारीअन्तर्गत शैक्षिक तथा सांस्कृतिक आदानप्रदान, विद्यार्थी तथा शिक्षकको क्षमता विकास, खेलकुद तथा अतिरिक्त क्रियाकलापलगायतका क्षेत्रमा सहकार्य गरिनेछ । यसबाट दुवै देशका विद्यार्थी तथा शिक्षकले एकअर्काको संस्कृति, शैक्षिक अभ्यास र अनुभव बुझ्ने अवसर पाउने अपेक्षा गरिएको छ ।
कार्यक्रममा जेम्स स्कुलका संस्थापक अध्यक्ष राजेश खड्काले विद्यालयको स्थापना र विकास यात्राबारे जानकारी दिँदै युवा पुस्ताको विकासमा अन्तर्राष्ट्रिय अनुभव र अन्तरसांस्कृतिक सिकाइको महत्त्व रहेको बताए ।
जापानी विद्यालय व्यवस्थापन समितिका अध्यक्ष सिनिची ओमारीले जेम्स स्कुलसँग सहकार्य गर्न पाएकोमा खुसी व्यक्त गर्दै साझेदारीले नेपाल र जापानका विद्यार्थी तथा शिक्षकका लागि नयाँ अवसर सिर्जना गर्ने विश्वास व्यक्त गरे ।
विद्यालयले यो साझेदारीलाई अन्तर्राष्ट्रिय सहभागिता विस्तारसँगै नेपाल–जापानबीचको शैक्षिक तथा सांस्कृतिक सम्बन्ध थप सुदृढ बनाउने महत्वपूर्ण कदमका रूपमा लिएको छ ।
काठमाडौं । स्पेनले अर्जेन्टिनालाई १–० ले पराजित गर्दै सन् २०२६ को फिफा विश्वकपको उपाधि जितेपछि विश्व फुटबलमा युवा स्टार लामिन यामाल सबैभन्दा बढी चर्चामा रहे। फाइनलमा... विस्तृतमा
