सेतो खबर
काठमाडौं । नेपाली कांग्रेसको १५औँ महाधिवेशन रोक्न माग गर्दै पूर्वसभापति शेरबहादुर देउवा समूह सर्वोच्च अदालत जाने तयारीमा जुटेको छ।
पार्टीको केन्द्रीय समिति बैठकले महाधिवेशनको कार्यतालिका सार्वजनिक गरेपछि देउवा समूहले अदालत जाने तयारी गरेको हो। सर्वोच्चमा महाधिवेशनसम्बन्धी मुद्दा विचाराधीन रहेकाले अदालतको निर्णय नआएसम्म महाधिवेशन प्रक्रिया अघि बढाउन नमिल्ने देउवा पक्षका नेता मीन विश्वकर्माले बताएका छन्।
विश्वकर्माका अनुसार महाधिवेशन रोक्न माग गर्दै बुधबार नै वा एक–दुई दिनभित्र सर्वोच्चमा निवेदन दायर गर्ने तयारी भइरहेको छ।
यसअघि देउवा समूहको भेलाले गगन थापालाई सभापति अस्वीकार गर्दै १५औँ महाधिवेशन शेरबहादुर देउवाकै नेतृत्वमा गर्ने निर्णय गरेको थियो। यस्तै, इतर पक्षका नेता डा. शशांक कोइरालाले पनि महाधिवेशन प्रक्रिया अघि नबढाउन निर्वाचन आयोग र पार्टी कार्यालय सानेपालाई पत्र पठाएका थिए।
यता, सभापति गगन थापाले भने निर्धारित मितिमै महाधिवेशन हुने अडान राख्दै आएका छन्। असन्तुष्ट समूहलाई समेट्ने प्रयासस्वरूप यसअघि महाधिवेशन कार्यतालिका केही पर सारिएको थियो।
काठमाडौं । स्पेनले अर्जेन्टिनालाई १–० ले पराजित गर्दै सन् २०२६ को फिफा विश्वकपको उपाधि जितेपछि विश्व फुटबलमा युवा स्टार लामिन यामाल सबैभन्दा बढी चर्चामा रहे। फाइनलमा... विस्तृतमा
