सेतो खबर
काठमाडौं । प्रतिनिधि सभा अन्तर्गतको आज चार वटा संसदीय समितिको बैठक बस्ने भएको छ ।
अर्थ समिति, महिला तथा सामाजिक मामिला समिति, शिक्षा, स्वास्थ्य तथा सूचना प्रविधि समिति र राज्य व्यवस्था तथा सुशासन समितिको बैठक बस्ने भएको हो ।
अर्थ समितिको बैठक बिहान ११ बजे बस्ने भएको छ । बैठकमा उपसमितिहरुबाट प्रतिवेदन पेश र छलफल हुने कार्यसूची छ ।
बिहान ११ बजे बस्ने महिला तथा सामाजिक मामिला समितिको बैठकमा मुस्लिम आयोगको कामकारबाही तथा प्रगति सम्बन्धमा आयोगका पदाधिकारीहरूसँग छलफल हुनेछ ।
यस्तै, बिहान १० बजे बस्ने शिक्षा, स्वास्थ्य तथा सूचना प्रविधि समितिको बैठकमा स्वास्थ्य तथा खाद्य स्वच्छता मन्त्रालयको विद्यमान अवस्था, समसामयिक विषय, चुनौती र भावी कार्ययोजनाका सम्बन्धमा छलफल हुने कार्यसूची छ ।
राज्य व्यवस्था तथा सुशासन समितिको बैठक दिउसो १ बजे बस्ने भएको छ । बैठकमा राष्ट्रिय सेवा दल विधेयक, २०८३’ उपर सैद्धान्तिकको विषयमा र अख्तियार दुरूपयोग अनुसन्धान आयोग र कारागार कार्यालयहरूको स्थलगत अनुगमन प्रतिवेदन पेस गर्ने सम्बन्धमा छलफल हुने कार्यसूची छ ।
काठमाडौं । स्पेनले अर्जेन्टिनालाई १–० ले पराजित गर्दै सन् २०२६ को फिफा विश्वकपको उपाधि जितेपछि विश्व फुटबलमा युवा स्टार लामिन यामाल सबैभन्दा बढी चर्चामा रहे। फाइनलमा... विस्तृतमा
