सेतो खबर
काठमाडौं । नेपाली सेयर बजारमा गिरावटको क्रम बुधबार पनि कायम रह्यो। अघिल्ला दुई कारोबार दिन लगातार ओरालो लागेको बजार आज पनि घटेसँगै नेप्से परिसूचक लगातार तेस्रो कारोबार दिन नकारात्मक बनेको छ।
बुधबार नेपाल स्टक एक्सचेञ्ज (नेप्से) परिसूचक ७.७९ अंकले घटेर २६८८.८८ विन्दुमा बन्द भएको हो। यसअघि मंगलबार नेप्से ४.६४ अंकले र सोमबार ३३.२८ अंकले घटेको थियो। कारोबार रकम पनि लगातार घट्दो क्रममा देखिएको छ। सोमबार ६ अर्ब ८ करोड रुपैयाँ बराबरको कारोबार भएकोमा मंगलबार ४ अर्ब ४२ करोडमा सीमित भएको थियो भने बुधबार ४ अर्ब २ करोड ९३ लाख ९० हजार ३५१ रुपैयाँमा कारोबार सकिएको छ।
आज ३४३ वटा कम्पनीका ९७ लाख ७७ हजार ५१२ कित्ता सेयर किनबेच भए। कारोबारमा सहभागी कम्पनीहरूमध्ये ७८ वटाको सेयर मूल्य बढ्दा १८६ वटाको घट्यो भने ११ वटाको मूल्य स्थिर रह्यो।
बजार समग्र रूपमा ओरालो लागे पनि एभरेष्ट कलर लिमिटेडको सेयरमा भने सकारात्मक सर्किट लागेको छ। कम्पनीको सेयर मूल्य १४.९९ प्रतिशतले वृद्धि भएको हो।
कारोबार रकमका आधारमा हिमालयन पावर पार्टनर लिमिटेड शीर्ष स्थानमा रह्यो। कम्पनीको २२ करोड ४८ लाख रुपैयाँ बराबरको सेयर कारोबार भयो। त्यसपछि खानीखोला हाइड्रोपावरको २१ करोड रुपैयाँ बराबरको कारोबार भएको छ। रिलायन्स स्पिनिङ मिल्स र कर्पोरेट डेभलपमेन्ट बैंकको समान १७/१७ करोड रुपैयाँ बराबरको कारोबार भएको छ।
समूहगत परिसूचकतर्फ आदर्श समूह र म्युचुअल फन्ड समूहबाहेक सबै उपसूचक घटेका छन्। यसले बजारमा बिक्री दबाब अझै कायम रहेको संकेत गरेको छ।
काठमाडौं । स्पेनले अर्जेन्टिनालाई १–० ले पराजित गर्दै सन् २०२६ को फिफा विश्वकपको उपाधि जितेपछि विश्व फुटबलमा युवा स्टार लामिन यामाल सबैभन्दा बढी चर्चामा रहे। फाइनलमा... विस्तृतमा
