सेतो खबर
काठमाडौं । नेपाली कम्युनिस्ट पार्टीका संयोजक पुष्पकमल दाहाल ‘प्रचण्ड’ले देशलाई कुनै योगदान नगरेकाहरू लोकप्रियतावाद (पपुलिज्म) का माध्यमबाट राजनीति गर्न खोजिरहेको टिप्पणी गरेका छन्।
सोमबार बिहान काठमाडौं क्षेत्र नम्बर ५ मा आयोजित पार्टी प्रवेश कार्यक्रममा सम्बोधन गर्दै उनले सामाजिक सञ्जालमा स्टन्ट देखाएर मात्र देश निर्माण सम्भव नहुने स्पष्ट पारे। उनले हाल नेपालमा लोकप्रियतावाद हाबी हुन खोजिरहेको दाबी गरे।
प्रचण्डले भने, “अहिले नेपालमा लोकप्रियतावाद हाबी गराउने प्रयास भइरहेको छ। कुनै ठोस योजना र एजेन्डा बिना नै सामाजिक सञ्जालमा स्टन्ट गरेका भरमा केही व्यक्तिहरू राजनीतिमा स्थापित हुन खोजिरहेका छन्।”
उनले विश्व साम्राज्यवादले विभिन्न देशमा समाजवाद र लोकतन्त्रविरुद्ध प्रहार गर्न पपुलिज्मलाई प्रयोग गर्ने गरेको आरोप लगाए। “नेपालमा पनि अहिले भू–राजनीतिक चलखेलमार्फत हस्तक्षेप गर्ने कोसिस भइरहेको छ,” उनले भने।
संयोजक दाहालले नेपाली कम्युनिस्ट पार्टीसँग नै नयाँ विचार, स्पष्ट दृष्टिकोण र एजेन्डा रहेको उल्लेख गरे। उनले राष्ट्र र जनताको पक्षमा उभिन नयाँ संकल्प र समीक्षासहितको तागत आवश्यक रहेको बताए।
“प्रतिवाद गर्न पनि नयाँ संकल्प, नयाँ समीक्षा र राष्ट्र तथा जनताको निम्ति तागत चाहिन्छ। त्यही तागतका लागि नेपाली कम्युनिस्ट पार्टी बनाइएको हो,” प्रचण्डले भने, “यो पार्टी देशकै ठूलो पार्टी बन्छ।”
उनले २६ वटा घटक मिलेर बनेको नेपाली कम्युनिस्ट पार्टी अब देशकै ठूलो राजनीतिक शक्ति बन्ने दाबी समेत गरे।
काठमाडौं । इरान र इजरायलबीच चर्किएको युद्ध (जसमा अमेरिका समेत संलग्न छ) ले नेपालजस्तो आयात र रेमिट्यान्समा निर्भर अर्थतन्त्रलाई ‘दोहोरो खतरा’ तर्फ धकेल्ने संकेत... विस्तृतमा
