सेतो खबर
काठमाडौं । प्रधानमन्त्री सुशीला कार्कीले अभिनेता सुनील थापाको असामयिक निधनप्रति दुःख व्यक्त गरेकी छिन् ।
शनिबार विज्ञप्ती जारी गर्दै उनले नेपाली सिनेमा क्षेत्रका लोकप्रिय अभिनेता सुनील थापाको असामयिक निधनको खबरले आफू मर्माहत भएको बताएकी हुन् ।
थापाको निधनसँगै नेपाली र भारतीय चलचित्र जगतले एक बहुआयामिक कलाकार मात्र नभई दरिलो खम्बा गुमाउन पुगेको उनको भनाई छ ।
‘चिनो’ का राते काइँलादेखि ‘मेरी कोम’ का प्रशिक्षकसम्ममा खलनायक र सहनायकका उम्दा भूमिकाबाट करोडौँ मन जित्न थापा सफल भएको भन्दै उनका यी हरेक चरित्र दर्शकको स्मृतिमा सदैव जीवित रहने उनले बताइन् ।
प्रधानमन्त्री कार्कीले चार दशकभन्दा बढी समयको उनको साधना, समर्पण र योगदान भावी पुस्ताका कलाकारका लागि प्रेरणाको स्रोत रहने धारणा राखिन् ।
काठमाडौं । इरान र इजरायलबीच चर्किएको युद्ध (जसमा अमेरिका समेत संलग्न छ) ले नेपालजस्तो आयात र रेमिट्यान्समा निर्भर अर्थतन्त्रलाई ‘दोहोरो खतरा’ तर्फ धकेल्ने संकेत... विस्तृतमा
