सेतो खबर
काठमाडौँ । माछापुच्छ्रे बैंक लिमिटेडले आफ्ना ग्राहकलाई थप सुविधा प्रदान गर्ने तथा डिजिटल बैंकिङ कारोबारलाई प्रवद्र्धन गर्ने उद्देश्यले विश्वप्रसिद्ध फुड चेन कम्पनी केएफसी र प्रविधि कम्पनी सिटिटेकसँग सहकार्य गरेको छ।
नेपालमा पहिलो पटक हस्पिटालिटी उद्योगलाई लक्षित गरी गरिएको यस सहकार्यअन्तर्गत केएफसीका विभिन्न आउटलेटहरूमा माछापुच्छ्रे बैंकका अत्याधुनिक पिओएस (POS) उपकरणहरू जडान गरिएको छ। ती उपकरणमार्फत ग्राहकहरूले कार्ड तथा क्यूआर कोड प्रयोग गरी छिटो, सुरक्षित र सहज रूपमा भुक्तानी गर्न सक्नेछन्।
यस सहकार्यले ग्राहक र व्यवसायी दुवैलाई सहज डिजिटल भुक्तानी सेवा उपलब्ध गराउने विश्वास बैंकले लिएको छ। बैंकले ग्राहक सन्तुष्टिलाई प्राथमिकता दिँदै उच्चस्तरीय सेवा प्रदान गर्न यस्ता प्रविधिमैत्री सहकार्यहरू गर्दै आएको जनाएको छ। यसबाट दैनिक कारोबार अझ सरल, प्रभावकारी र पारदर्शी बन्ने अपेक्षा गरिएको छ भने सेवा समय घट्नुका साथै ग्राहक सन्तुष्टि बढ्ने बैंकको विश्वास छ।
स्थापनाकालदेखि नै नवीनतम प्रविधिमा आधारित सेवा तथा सुविधा ग्राहकसमक्ष ल्याउन प्रतिबद्ध माछापुच्छ्रे बैंक लिमिटेडले हाल देशभर हिमाल, पहाड र तराई समेट्दै पूर्वदेखि पश्चिमसम्म सुदृढ सेवा सञ्जाल विस्तार गरेको छ। बैंकले हाल १६५ शाखा, ८८ शाखारहित बैंकिङ सेवा केन्द्र र ११ एक्सटेन्सन काउन्टरसहित कुल २७४ सेवा केन्द्र सञ्चालनमा ल्याएको छ।
त्यसैगरी, १९९ एटीएममार्फत बैंकले १८ लाखभन्दा बढी ग्राहकलाई अत्याधुनिक प्रविधिसहित सम्पूर्ण बैंकिङ सेवा प्रदान गर्दै आएको छ।
काठमाडौं । स्पेनले अर्जेन्टिनालाई १–० ले पराजित गर्दै सन् २०२६ को फिफा विश्वकपको उपाधि जितेपछि विश्व फुटबलमा युवा स्टार लामिन यामाल सबैभन्दा बढी चर्चामा रहे। फाइनलमा... विस्तृतमा
