सेतो खबर
काठमाडौँ । निर्वाचन आयोगले आगामी प्रतिनिधिसभा र राष्ट्रियसभा निर्वाचनमा भाग लिन इच्छुक राजनीतिक दललाई दल दर्ता गर्न औपचारिक आह्वान गरेको छ। आयोगले दुवै निर्वाचनका लागि निर्धारित म्यादभित्र आवश्यक कागजातसहित निवेदन दिन सबै दललाई आग्रह गरेको छ।
आयोगका अनुसार राष्ट्रियसभा निर्वाचनका लागि मंसिर १ देखि ७ गतेसम्म र प्रतिनिधिसभा निर्वाचनका लागि मंसिर १ देखि १० गतेसम्म दल दर्ता खुला रहनेछ।
निर्वाचन प्रयोजनका लागि दर्ता गर्न दलहरूले कात्तिक ३० गतेभित्र दल दर्ताको प्रमाणपत्र लिएर तयार हुनुपर्ने आयोगले स्पष्ट पारेको छ।
यसअघि नै निर्वाचन आयोगले राष्ट्रियसभा निर्वाचन माघ ११ गते र प्रतिनिधिसभा निर्वाचन फागुन २१ गते हुने गरी मिति तोकेको छ। फागुन २० गतेदेखि राष्ट्रियसभामा एक-तिहाइ सदस्यहरूको पद रिक्त हुने भएकाले माघ ११ गते मतदानको समय निर्धारण गरिएको हो।
निर्वाचनमा सहभागी हुन इच्छुक दलहरूले केन्द्रीय समितिको निर्णयको प्रतिलिपि, वार्षिक लेखापरीक्षण प्रतिवेदन, र अन्य आवश्यक कागजातहरू संलग्न गरी आयोगमा निवेदन पेस गर्नुपर्नेछ।
आगामी संघीय निर्वाचनको तयारी तीव्र बन्दै गएका बेला आयोगको यो आह्वानले दलहरूको दर्ता प्रक्रिया औपचारिक रूपमा सुरु भएको छ।
काठमाडौं । भावी प्रधानन्यायाधीश नियुक्तिका लागि सिफारिस गर्ने उद्देश्यले आज संवैधानिक परिषद्को बैठक बस्दैछ। परिषद्का अध्यक्ष तथा प्रधानमन्त्री बालेन्द्र शाह... विस्तृतमा
