मन्त्रिपरिषद् विस्तारको तयारी, यी हुन् आज थपिने ४ मन्त्री, आजै सपथ

काठमाडौं, कार्तिक ९। प्रधानमन्त्री सुशीला कार्कीले चार जना नयाँ मन्त्री थप गर्दै मन्त्रिपरिषद् विस्तार गरेकी छन्। राष्ट्रपति कार्यालयमा नाम पठाइसकेकाले उनीहरूको आजै शपथ ग्रहण हुने तयारी भएको स्रोतले जनाएको छ।

नयाँ मन्त्रीहरूमा:

• डा. सुधा शर्मा गौतम – स्वास्थ्य तथा जनसंख्या मन्त्री
• गणपतिलाल श्रेष्ठ – संस्कृति, पर्यटन तथा नागरिक उड्डयन मन्त्री
• खगेन्द्र सुनार – श्रम, रोजगार तथा सामाजिक सुरक्षा मन्त्री
• बब्लु गुप्ता – युवा तथा खेलकुद मन्त्री

स्रोतका अनुसार लामो छलफलपछि यी चार जनाको नाममा अन्तिम सहमति जुटाइएको हो। चारै जनाले आजै राष्ट्रपति कार्यालयमा शपथ लिने तयारी गरिएको छ।

स्वास्थ्य मन्त्रालयको जिम्मेवारी पाउन लागेकी डा. गौतम प्रसूति तथा स्त्री रोग विशेषज्ञ हुन्। उनले २०६५ असोजदेखि २०६८ मंसिरसम्म स्वास्थ्य मन्त्रालयमा सचिवको रूपमा सेवा गरेकी थिइन्।

संस्कृति, पर्यटन तथा नागरिक उड्डयन मन्त्री बन्न लागेका गणपतिलाल श्रेष्ठ काठमाडौं उपत्यकाका सम्पदाहरूको संरक्षण, सम्बर्द्धन र जगेर्नाका क्षेत्रमा लामो समयदेखि सक्रिय अभियानी हुन्।

त्यस्तै, खगेन्द्र सुनार दलित हकहित र सामाजिक न्यायका पक्षमा क्रियाशील अभियानी हुन्। उनले माइतीघर मण्डलमा ‘दलितलाई खै’ अभियानमार्फत सामाजिक समानताको सन्देश फैलाएका थिए।

बब्लु गुप्ता, परोपकारी संस्था **‘१०० ग्रुप’**का संस्थापक, युवामाझ सामाजिक अभियन्ताका रूपमा परिचित छन्।