प्रधान सेनापतिद्वारा गणेश कुमार श्रेष्ठलाई रथी दर्जाको चिन्ह प्रदान

काठमाडौँ । प्रधान सेनापति अशोक राज सिग्देलले रथी दर्जामा पदोन्नति भएका उपरथी गणेश कुमार श्रेष्ठलाई आइतबार रथी दर्जाको दर्ज्यानी चिन्ह प्रदान गरेका छन्।

नेपाल सरकार, मन्त्रिपरिषद्को निर्णयअनुसार श्रेष्ठलाई असोज ३० गतेदेखि रथी दर्जामा पदोन्नति गरिएको हो। पदोन्नतिसँगै रथी श्रेष्ठलाई बलाध्यक्षको जिम्मेवारी समेत प्रदान गरिएको नेपाली सेनाले जनाएको छ।

दर्ज्यानी चिन्ह प्रदान गर्ने समारोह प्रधान सेनापति सिग्देलको कार्यालयमा सम्पन्न भएको थियो। कार्यक्रममा रथी, अन्य वरिष्ठ अधिकृतहरू तथा पदोन्नति प्राप्त रथी श्रेष्ठका परिवारजनहरूको उपस्थिति रहेको थियो।

नेपाल सेनाले पदोन्नतिपछि रथी श्रेष्ठले संस्थाको नीति, योजना र व्यवस्थापनमा थप प्रभावकारी योगदान गर्ने विश्वास व्यक्त गरेको छ।