सेतो खबर
काठमाडौं । राष्ट्रपति रामचन्द्र पौडेलले योगलाई केवल शारीरिक अभ्यास मात्र नभई वैज्ञानिक र अनुशासित जीवनशैलीका रूपमा ग्रहण गर्नुपर्ने बताएका छन् ।
१२औँ विश्व योग दिवसका अवसरमा शुभकाना दिँदै राष्ट्रपति पौडेलले राष्ट्रपति पौडेलले योगलाई राष्ट्रिय नीति, शैक्षिक पाठ्यक्रम तथा जनस्वास्थ्यका कार्यक्रमहरूसँग अझ प्रभावकारी रूपमा जोड्न आवश्यक रहेको बताए ।
योग शरीर, मन र आत्मालाई एकसूत्रमा बाँध्ने समग्र जीवनपद्धति भएको बताउदै उनले ध्यान, प्राणायाम तथा शारीरिक आसनहरूको संयोजनले व्यक्तिको समग्र स्वास्थ्य सुधारमा महत्वपूर्ण योगदान पु¥याउने बताए ।
योग अभ्यासले तनाव कम गरी सकारात्मक ऊर्जा प्रदान गर्ने, रोग प्रतिरोधात्मक क्षमता बढाउने, पाचन प्रणाली सुदृढ बनाउने तथा मानसिक सन्तुलन कायम राख्न सहयोग पुग्ने उल्लेख गरे ।
नेपाल योगको प्राचीन भूमि भएको विभिन्न अध्ययन, अनुसन्धान तथा ऐतिहासिक प्रमाणहरूले पुष्टि गर्दै आएको उल्लेख गरे ।
उनले आधुनिक जीवनशैली, बढ्दो तनाव, प्रदूषण र तीव्र प्रतिस्पर्धाका कारण मानव जीवन जटिल बन्दै गइरहेको वर्तमान अवस्थामा योगलाई दैनिक जीवनको अभिन्न अंग बनाउन सके स्वस्थ, सरल र सन्तुलित जीवनयापनमा टेवा पुग्ने विश्वास व्यक्त गरे ।
राष्ट्रपति पौडेलले स्वदेश तथा विदेशमा रहेका सम्पूर्ण नेपाली दिदीबहिनी तथा दाजुभाइहरूमा सुख, शान्ति, समृद्धि र सुस्वास्थ्यको शुभकामना व्यक्त गरे ।
काठमाडौं । भावी प्रधानन्यायाधीश नियुक्तिका लागि सिफारिस गर्ने उद्देश्यले आज संवैधानिक परिषद्को बैठक बस्दैछ। परिषद्का अध्यक्ष तथा प्रधानमन्त्री बालेन्द्र शाह... विस्तृतमा
