मधेस प्रदेशको चौथो मुख्यमन्त्रीमा जितेन्द्र सोनल नियुक्त

जनकपुरधाम । मधेस प्रदेशको चौथो मुख्यमन्त्रीमा लोकतान्त्रिक समाजवादी पार्टी (लोसपा) का प्रदेश सांसद जितेन्द्र सोनल नियुक्त भएका छन्।

प्रदेश प्रमुख सुमित्रा सुवेदी भण्डारीले नेपालको संविधानको धारा १६८ को उपधारा (२) बमोजिम बुधबार सोनललाई मुख्यमन्त्री पदमा नियुक्त गरेकी हुन्।

सोनललाई बुधबारै प्रदेश प्रमुखको कार्यालयबाट औपचारिक रूपमा नियुक्तिपत्र प्रदान गरिएको छ। अब उनले संविधानले तोकेको म्यादभित्र प्रदेश सभाबाट विश्वासको मत लिनुपर्नेछ।

सोनल यसअघि पनि मधेस प्रदेश सरकारमा भौतिक पूर्वाधार विकास मन्त्रीका रूपमा कार्यरत रहिसकेका थिए। उनी मधेस प्रदेशको राजनीति र नीति–निर्माणमा लामो समयदेखि सक्रिय नेताका रूपमा चिनिन्छन्।

मधेस प्रदेशमा हाल विभिन्न दलबीच सत्ता समिकरणमा भइरहेका बदलाबसँगै नयाँ राजनीतिक समीकरण अनुसार सोनल नेतृत्वको सरकार गठन गरिएको हो।