सेतो खबर
काठमाडौं । नेपाल पञ्चाङ्ग निर्णायक विकास समितिले यस वर्षको भाइटीकाको उत्तम साइत सार्वजनिक गरेको छ। समितिका अध्यक्ष प्रा. शम्भुप्रसाद ढकालका अनुसार यस वर्ष भाइटीका कात्तिक ६ गते बिहीबार बिहान ११:३९ बजे पर्नेछ।
ढकालका अनुसार, यस वर्षको यमपञ्चक कात्तिक १ गते शनिबारदेखि सुरु हुनेछ। सो दिनदेखि नै यमदीप दान सुरु गरिनेछ। समितिले स्वीकृति दिएको पात्रोअनुसार धन त्रयोदशी र धनतेरस पर्व पनि यही दिन पर्छ।
तिहारका मुख्य मिति र पर्व
समितिले जनाएअनुसार, कात्तिक ३ गते सोमबार बिहान नरक स्नानसहित कुकुर तिहार मनाइनेछ भने बेलुकी लक्ष्मीपूजा हुनेछ। सो दिन दिउँसो २:५२ बजेसम्म कात्तिक कृष्ण चतुर्दशी र त्यसपछि औंशी तिथि लाग्ने भएकाले पर्वको समय निर्धारण गरिएको हो।
अध्यक्ष ढकालका अनुसार, औंशी तिथिमा गरिने स्नान र दान कात्तिक ४ गते बिहान गर्नुपर्नेछ। सो दिन दिउँसो ४:२९ बजेसम्म औंशी तिथि रहने जनाइएको छ।
शास्त्रसम्मत गणना अनुसार, भाइटीका र किजापूजा कात्तिक ६ गते बिहीबार मनाइने र बिहान ११:३९ बजे साइत उत्तम रहने समितिले जनाएको छ।
समितिले यस वर्षको साइत निर्धारण गर्दा ग्रह–नक्षत्र, तिथि र सूर्योदयको समयलाई आधार मानेको बताएको छ।
काठमाडौं । भावी प्रधानन्यायाधीश नियुक्तिका लागि सिफारिस गर्ने उद्देश्यले आज संवैधानिक परिषद्को बैठक बस्दैछ। परिषद्का अध्यक्ष तथा प्रधानमन्त्री बालेन्द्र शाह... विस्तृतमा
