सेतो खबर
काठमाडौं । नयाँ व्यवसाय सुरु गर्न चाहने युवा तथा नवउद्यमीका लागि सरकारले सहुलियतपूर्ण स्टार्टअप कर्जा उपलब्ध गराउने भएको छ । नवीन सोच र व्यावसायिक योजनासहित उद्यम गर्न चाहनेले अब ३ प्रतिशत ब्याजदरमा ५ लाखदेखि २० लाख रुपैयाँसम्म कर्जा पाउने भएका हुन् ।
औद्योगिक व्यवसाय विकास प्रतिष्ठानले ४०० जना उद्यमीलाई कर्जा उपलब्ध गराउने लक्ष्यसहित परियोजना प्रस्ताव आह्वान गरेको छ । इच्छुक उद्यमीले सूचना प्रकाशित भएको मितिले २१ दिनभित्र आवश्यक कागजातसहित आफ्नो परियोजना प्रस्ताव पेस गर्नुपर्नेछ ।
यस कार्यक्रमअन्तर्गत कृषि, पर्यटन, सूचना प्रविधि, उत्पादनमूलक उद्योगलगायत नवीन तथा सम्भावनायुक्त व्यावसायिक क्षेत्रमा काम गर्न चाहनेले आवेदन दिन सक्नेछन् । नयाँ व्यवसाय स्थापना गर्नेदेखि सञ्चालनमा रहेका नवीन व्यवसाय विस्तार गर्न चाहने उद्यमीसमेत यसबाट लाभान्वित हुन सक्नेछन् ।
उपलब्ध गराइने कर्जाको अवधि पाँच वर्ष रहनेछ भने ब्याजदर वार्षिक ३ प्रतिशत कायम गरिएको छ । यसले पर्याप्त पुँजी अभावका कारण व्यवसाय सुरु गर्न नसकेका युवालाई उद्यमशीलतामा जोडिन सहयोग पुग्ने अपेक्षा गरिएको छ ।
सरकारको यो कार्यक्रमले नवीन सोच, सिर्जनशीलता र व्यावसायिक योजनालाई प्रोत्साहन गर्दै देशभित्रै रोजगारी सिर्जना तथा उत्पादनमूलक आर्थिक गतिविधि बढाउन सहयोग पुग्ने विश्वास गरिएको छ ।
काठमाडौं । स्पेनले अर्जेन्टिनालाई १–० ले पराजित गर्दै सन् २०२६ को फिफा विश्वकपको उपाधि जितेपछि विश्व फुटबलमा युवा स्टार लामिन यामाल सबैभन्दा बढी चर्चामा रहे। फाइनलमा... विस्तृतमा
