सेतो खबर
यस सम्झौतासँगै एनएमबी बैंकले आफ्ना ग्राहकलाई विदेशमा रकम पठाउन थप सहज विकल्प उपलब्ध गराउने भएको छ। भिसाको अन्तर्राष्ट्रिय भुक्तानी प्रविधिमा आधारित यस सेवाले सीमापार रकम स्थानान्तरणलाई सहज, भरपर्दो र प्रभावकारी बनाउन सहयोग गर्ने बैंकले जनाएको छ।
भिसा डाइरेक्ट टु अकाउन्ट प्लेटफर्म विश्वका १९५ भन्दा बढी देश तथा क्षेत्रमा कार्यान्वयनमा रहेको छ। यस प्रविधिको प्रयोगबाट ग्राहकले अन्तर्राष्ट्रिय रकम स्थानान्तरण गर्दा झन्झटरहित र सहज सेवा प्राप्त गर्न सक्ने अपेक्षा गरिएको छ।
डिजिटल वित्तीय सेवाको विकास र ग्राहकलाई आधुनिक बैंकिङ सुविधा उपलब्ध गराउने उद्देश्यअनुरूप बैंकले अन्तर्राष्ट्रिय रकम स्थानान्तरणसम्बन्धी पूर्वाधार विस्तार गर्न यो साझेदारी गरेको हो।
एनएमबी बैंकले हाल देशभर १९७ शाखा, १७६ एटीएम तथा ९ वटा एक्सटेन्सन काउन्टरमार्फत बैंकिङ सेवा प्रदान गर्दै आएको छ। बैंकले डिजिटल बैंकिङ सेवामा नवीन प्रविधि समावेश गर्दै ग्राहकलाई सहज र गुणस्तरीय वित्तीय सेवा उपलब्ध गराउने प्रयासलाई निरन्तरता दिँदै आएको जनाएको छ।
काठमाडौं । स्पेनले अर्जेन्टिनालाई १–० ले पराजित गर्दै सन् २०२६ को फिफा विश्वकपको उपाधि जितेपछि विश्व फुटबलमा युवा स्टार लामिन यामाल सबैभन्दा बढी चर्चामा रहे। फाइनलमा... विस्तृतमा
